ජනාධිපති රනිල් වික්රමසිංහ මහතාගේ වත්මන් ක්රියාකලාපය පිළිබඳ තමන් සතුටට පත්වන බවත්, ඔහුව ජනාධිපති ධූරයට පත් කිරීමට ශ්රී ලංකා පොදුජන පෙරමුණ ගත් තීරණය නිවැරදි බවත් ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා පවසයි.
ශ්රී ලංකා පොදුජන පෙරමුණ පක්ෂ කාර්යාලයේ අද (05) පෙරවරුවේ පැවති උත්සවයකට එක්වෙමින් ඔහු මේ අදහස් පළ කළේය.
ශ්රී ලංකා පොදුජන පෙරමුණේ මාධ්ය මධ්යස්ථානය විවෘත කර සිව් වසරක් සපිරීම නිමිත්තෙන් සංවිධානය කළ උත්සවයක් අද නෙළුම් මාවත ශ්රී ලංකා පොදුජන පෙරමුණ පක්ෂ කාර්යාලයේදී පැවැත්වුණි.
පක්ෂයේ ජාතික සංවිධායක බැසිල් රාජපක්ෂ මහතාගේ ප්රධානත්වයෙන් පැවති මෙම උත්සවය සඳහා පක්ෂයේ නියෝජිතයින් සහ පාක්ෂිකයින් පිරිසක් එක්ව සිටියහ.
ප්රශ්නය – ඉදිරි වැඩපිළිවෙල කොහොම ද?
“ඒක කිව්වොත් එහෙම ඔයාලා පත්තරේ දැම්මහම වැඩක් නෑනේ. මෙහෙමයි දැන් නිල වශයෙන් බැලුවොත් මැතිවරණයකට කාලය ඇවිල්ලා තියෙන්නේ. ඉතිං ඒක කොයි විදියට සිද්ධ වෙයිද දන්නේ නෑ. අපි පක්ෂයක් හැටියට සුදානම් ඕනෑම මැතිවරණයකට මුහුණදෙන්න.”
ප්රශ්නය – ඉදිරියේ දී ඔබතුමා ක්රියාකාරී දේශපාලනයේ ඉන්නවා ද?
“රාජ්ය පාලනයේ නෑ මම. දැන් රාජ්ය පාලනය තහනම් කරලත් තියෙනවානේ 21 වැනි සංශෝධනයෙන්. රාජ්ය පාලනයේ නෑ. නමුත් දේශපාලනයේ ඉන්නවා.”
ප්රශ්නය – ජනාධිපතිතුමාගේ වැඩපිළිවෙල ගැන මොකද්ද හිතෙන්නේ ?
“මහජනතාව 69 ලක්ෂයක් ඡන්දේ දීලා ගෝඨාභයව ජනාධිපති කළා. එයා ඉල්ලා අස්වුණා. එතකොට පාර්ලිමේන්තුවේ ජනාධිපතිවරයෙක් තෝරගන්න ඕනේ. ඒ වෙලාවේ අපි තීන්දු කළා ඉතාම සුදුසු පුද්ගලයා ඒ සඳහා තෝරගන්න. ඒ තෝරා ගැනීම නිවැරදියි කියලා මට හිතෙනවා. මොකද පක්ෂ විපක්ෂ හැමකෙනෙක්ටම නිදහසේ දේශපාලනය කරන්න ඉඩසලසා දිය යුතුයි.”
ප්රශ්නය – රට හොඳ දිසාවට ගෙනියන්න හැකියාවක් ලැබෙයි ද මේ ජනාධිපතිතුමා ඇතුළු රජයට ?
“පළවෙනි දේ කළානේ. අපිට දේශපාලනය කරන්න, මහ පාරට බහින්න අවස්ථාව ලබාදුන්නා. ආර්ථිකය හා අනෙකුත් ප්රශ්න විසඳයි කියලා අපි බලාපොරොත්තු වෙනවා.”
ප්රශ්නය – ඔබතුමන්ලාගේ පක්ෂයේ සභාපතිතුමා කවුද?
“දැනට නිල වශයෙන් ඉන්නේ ජීඑල් පීරිස් මහත්තයා.”
ප්රශ්නය – එතුමා වෙන පැත්තකට ගිහිල්ලා ඉන්නවානේ අර හිටගෙන ?
“අපේ පක්ෂයේ ස්ලෝගන් එක තමා වෙනස් වෙන්න හිතන්න … බිය නොවන්න කියන එක. ඒක ඕනවාට වැඩිය කියලත් මට හිතෙනවා. දැන් ඔක්කෝමල්ලාම වෙනස්ව හිතලා තියෙන්නේ.”
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…