රූපවාහිනියේ අධ්‍යක්ෂ ජනරාල් ඉල්ලා අස්වීමේ තීරණය වෙනස් කර ගැනීමට සූදානමක් !

ශ්‍රී ලංකා රූපවාහිනි සංස්ථාවේ අධ්‍යක්ෂ ජනරාල් ලෙස කටයුතු කළ අජන්ත සෙනෙවිරත්න මහතා සිය තනතුරෙන් ඉල්ලා අස්වීමේ සුදානම් පවතින බව වාර්තා වනවා.

රූපවාහිනී සංස්ථාවේ සභාපතිවරයා වෙත ලිපියක් නිකුත් කරමින් ඔහු සඳහන් කර ඇත්තේ තමා ධුරයෙන් ඉවත් වන්නේ පෞද්ගලික හේතුවක් මත බවයි.

මේ සම්බන්ධයෙන් තොරතුරු වාර්තා වීමත් සමඟ ශ්‍රී ලංකා රූපවාහිනී සංස්ථාවේ සේවකයන් පිරිසක් අධ්‍යක්ෂක ජනරාල්වරයාට සහය පළ කරමින් ලිපියකට අත්සන් ලබාගෙන තිබෙනවා.

එම ලිපියෙන් සේවකයන් පිරිස පෙන්වා දී ඇත්තේ කෙටි කාලයක් තුලදී සංස්ථාව නව අධ්‍යක්ෂක ජෙනරාල්වරයා යටතේ සිදුකළ බවත් සංස්ථාවට තිබෙන ආර්ථික අපහසුතාවලින් ගොඩගැනීමට සුදුසු එකම පුද්ගලයා ඔහු බවත්ය.

අතරමඟ නැවතී තීබූ නාලිකාවේ HD තාක්ෂණ ව්‍යාපෘතිය නව අධ්‍යක්ෂක ජෙනරාල්වරයා යටතේ ආරම්භ කිරීමට හැකි වූ බවයි සංස්ථාවේ සේවකයන් පෙන්වා දෙන්නේ.

ඉදිරියේ නාලිකාවේ නවතම වැඩසටහන් කිහිපයක් ඔහුගේ සංකල්පය මත ආරම්භ කිරීමට නියමිත බවද වාර්තා වනවා.

කෙසේ වෙතත් සේවකයන්ගේ දැඩි ඉල්ලීම මත අධ්‍යක්ෂකවරයා සිය ඉල්ලා අස්වීමේ තීන්දුව ඉවත් කරගැනීමට තීරණය කර ඇති බවයි ශ්‍රී ලංකා රුපවාහිනී සංස්ථාවේ අභ්‍යන්තර ආරංචි මාර්ග පෙන්වා දෙන්නේ.

මිට පෙර අජන්ත සෙනෙවිරත්න මහතා ස්වාධීන රූපවාහිනී ආයතනයේ විධායක නිලධාරිවරයා ලෙස ද කටයුතු කර තිබෙනවා.

වෘත්තියෙන් වරලත් ඉංජිනේරුවරයෙක් වන ඒ මහතා චරණ රුපවාහිනී ආයතනය ආරම්භ කිරීමේ මුලික වූ අයෙක් ලෙසයි සැලකෙන්නේ.