ශ්රී ලංකා ක්රිකට් තේරීම් කමිටුවේ සභාපති ප්රමෝදය වික්රමසිංහ විසින් ශ්රී ලංකා ක්රිකට් ආයතනයේ ලේකම් මොහාන් ද සිල්වා වෙත ලිපියක් යොමු කර තිබෙනවා.
එම ලිපියෙන් ඇෆ්ගනිස්ථාන සංචාරය සඳහා ශ්රී ලංකා කණ්ඩායමේ තුන් ඉරියව් ක්රීඩක චාමික කරුණාරත්න තෝරා නො ගැනීම සම්බන්ධයෙන් කරුණු දක්වා ඇති අතර එහි දී තේරීම් කමිටු සභාපතිවරයා සඳහන් කරන්නේ චාමික කණ්ඩායමට ඇතුළු කර ගැනීමට ප්රධාන පුහුණුකරු ක්රිස් සිල්වර්වූඩ් දැඩි අකමැත්තක් දැක් වූ බව යි.
මෙහි දී තෝරා ගැනීම් සම්බන්ධයෙන් සිදු කෙරෙන සාකච්ඡා අතරතුර චාමික කරුණාරත්න පිළිබඳ ව සිදුකෙරුණු සාකච්ඡාවේ දී, ලෝක කුසලාන තරගාවලිය අතරතුර ඔහුගේ හැසිරීම සම්බන්ධයෙන් ප්රධාන පුහුණුකරු දැඩි අප්රසාදය පළ කර තිබෙනවා.
මේ ලිපියේ සඳහන් වන ආකාරයට ප්රධාන පුහුණුකරු චාමික කරුණාරත්න සම්බන්ධ සිදුවීම් කිහිපයක් ම සඳහන් කර ඇති බවයි වාර්තා වන්නේ.
ඔහු නැවත කණ්ඩායමට එකතු කර ගැනීමට නම් පළමුව පුහුණුකරුගේ විශ්වාසය දිනාගත යුතු බවත් එම ලිපියේ වැඩිදුරටත් සඳහන්.
ලෝක කුසලාන තරගාවලිය අතරතුර චාමික කරුණාරත්න සම්බන්ධව මතු වූ ඇතැම් සිදුවීම් හේතුවෙන් ශ්රී ලංකා ක්රිකට් කණ්ඩායමේ ප්රධාන පුහුණුකරු ට චාමික සම්බන්ධයෙන් විශ්වාසය සම්පූර්ණයෙන් ම බිඳී ඇති බවයි මෙම ලිපියේ සඳහන් වන්නේ.
පසුගියදා ඔස්ට්රෙලියාවේ දී නිමා වූ පන්දුවාර විස්ස ලෝක කුසලාන ක්රිකට් තරග තරගාවලිය අතරතුර දී ශ්රී ලංකා කණ්ඩායමේ ක්රීඩකයින් කිහිප දෙනකුට ම විනය විරෝධී හැසිරීම් සම්බන්ධ චෝදනා එල්ල වූ අතර ස්ත්රී දූෂණ චෝදනාවක් ලැබූ ආරම්භක පිතිකරු ධනුෂ්ක ගුණතිලක එරට පොලීසිය විසින් අත්අඩංගුවට ගෙන මේ වන විටත් නඩු පවරා තිබෙනවා.
ඊට අමතරව චාමික කරුණාරත්න සම්බන්ධ සිදුවීම් සමාජ මාධ්ය ඔස්සේ සංසරණය වූ අතර එහි සඳහන් වූයේ ඔහු සිඩ්නි නුවර රාත්රී සමාජ ශාලාවකට ගොස් ඇති කරගත් ආරවුල අතරතුර සිදු වූ ගුටිබැට හුවමාරුව පාලනය කර චාමික කරුණාරත්න එම ස්ථානයෙන් රැගෙන ඒමට ශ්රී ලංකා ක්රිකට් කණ්ඩායමේ නායක දසුන් ශානක සහ භානුක රාජපක්ෂ මැදිහත් වූ බව යි.
කෙසේ වෙතත් මෙම සිදුවීම්වලින් අනතුරුව ශ්රී ලංකා කණ්ඩායම මෙරට ට පැමිණීමෙන් පසු කණ්ඩායම් කළමනාකරුගේ වාර්තාව සලකා බැලූ ශ්රී ලංකා ක්රිකට් ආයතනය චාමික කරුණාරත්න ට වසරක තරග තහනමක් පනවා එය අත්හිටවූ අතර ඊට අමතරව ඇමරිකානු ඩොලර් 5,000 ක දඩ මුදලක් ද පනවනු ලැබුවා
බස්නාහිර, සබරගමුව සහ දකුණු පළාත්වලත් මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇතිවේ. නැගෙනහිර සහ…
ජනාධිපතිවරණයට අදාළව අපේක්ෂකයන් වෙනුවෙන් අද පැවැත්වෙන අවසන් ප්රචාරක රැළි හෙට පුවත්පත් වල පළකළ හැකි නමුත්…
ශ්රී ලංකාවට දකුණු දෙසින් වූ ගැඹුරු මුහුදේදී මාළුවකු සපාකෑමෙන් අසාධ්ය තත්ත්වයෙන් පසුවූ ධීවරයෙකු ප්රතිකාර සඳහා…
ඉදිරි දින කිහිපයේ රටේ පවතින කාලගුණ තත්ත්වය පිළිබඳ පූර්ණ වාර්තාවක් කාලගුණ විද්යා දෙපාර්තමේන්තුවෙන් ලබාගෙන ඇතැයි…
මැතිවරණය පැවැත්වෙන 21 වනදා සාමාන්ය පරිදි සෙනසුරාදා දිනයට අදාළ දුම්රිය කාලසටහන ක්රියාත්මක කෙරෙන බව දුම්රිය…
2025 නව පාසල් වාරය වෙනුවෙන් පාසල් ළමුන් ලක්ෂ 43කට අවශ්ය නිල ඇඳුම් සහ පිරිවෙන් 825…
View Comments
Very good decision taken