මහින්දගෙන් ශ්‍රීලනිපයේ මහ ලේකම්වරයාට දොස් !

පක්ෂයක නිලතල දැරීමේ දී නොගැළපෙන වචන භාවිතයෙන් තොර වැදගත් හැසිරීමක් ඉස්මතු කිරීමට ශ්‍රී ලංකා නිදහස් පක්ෂයේ වත්මන් තනතුරුලාභීන්ට නොහැකි වී ඇති බව අමාත්‍ය මහින්ද අමරවීර මහතා පවසයි.

අමාත්‍යවරයා ප්‍රකාශ කළේ, පක්ෂයේ වත්මන් මහ ලේකම්වරයා ශ්‍රී ලංකා නිදහස් පක්ෂය විනාශ මුඛයට ගෙන යමින් පවතින බවය.

හම්බන්තොට ප්‍රදේශයේ පැවැති මාධ්‍ය හමුවකට එක්වෙමින් අමාත්‍ය මහින්ද අමරවීර මහතා එම අදහස් පළ කළේය.

“දැන් නොම්බර එකේ බඩු ටිකක්නේ ඉන්නේ. හොඳම සුපිරි ඇපල් ටික දැන් තියෙනවා. පහුගිය කාලයේ සංවිධානකම් අරගත්තු නම් ටික. අර ප්‍රසිද්ධ නම් ටික දන්නවනේ මාධ්‍යයෙත් පළ වුණානේ. නොම්බර එකේ බඩු ටික ඉතුරවෙලා තියෙනවා. දැන් ගිහිල්ලා තියෙන්නේ කවුද කියලා පේනවානේ. ඔහොම තමයි තනතුරක් ලැබුණාම පෙත්තප්පුලා වගේ කතාකරන්න හොඳ නෑ. වාචාල විදිහට කතාකරන්න හොඳ නෑ. පක්ෂයක නිලතල දරන කොට වැදගත් විදිහට කතානරන්න ඕනේ. වැදගත් විදිහට හැසිරෙන්න ඕනේ. 39දෙනෙක් එයා ලේකම් වෙනකොට හිටියා. අද දෙන්නා තුන්දෙනාට වැටෙන්නේ ඒකනේ. කතාකරලා ඔය වාචාල කියවලා. ඒ කටුයුතු කිරීමේ ප්‍රතිඵලය තමයි පක්ෂය ඔය තත්ත්වයට පත්වෙලා තියෙන්නේ. බෝඩ් ලෑල්ලයි, බිල්ඩින් එකයි තියෙනවා දැන් ඕකත් විකුණ ගන්න තමයි ලොකු සටනක් දරන්නේ හැමෝම.”