රටේ සිදුවිය යුතු අත්යාවශ්ය ආර්ථික ප්රතිසංස්කරණ පිළිබඳ ජනතාව දැනුවත් කරන මෙන්ම ඒවා සිදු කිරීමට රජයට බලකරන ගොඩයමු සාමූහිකයේ තේමා ගීතය සහ ජාතික පණිවිඩය ඊයේ (23) දා මරදාන ට්රේස් සිටි ශ්රවණාගාරයේදී එළිදැක්වුනා.
මෙහි ආරාධිත අමුත්තා වශයෙන් සහභාගි වූයේ මෙම ව්යාපෘතිය වෙනුවෙන් නොමිලේම තමන් ගේ දායකත්වය ලබා දුන් ජ්යෙෂ්ට ක්රිකට් ක්රීඩක චමින්ද වාස්ය.
මෙම එළිදැක්වීම සඳහා සියලු මාධ්යවලට ආරාධනා කර තිබුණු අතර ගොඩයමු ව්යාපෘතිය පිළිබඳ ඕනෑම ප්රශ්නයක් ඇසීමට එහිදී අවකාශ සලසා තිබුණා.
එහිදී මෙම ව්යාපෘතිය ගැන ප්රශ්ණ ගණනාවක් පැමිණ තිබූ පිරිස විසින් ඉදිරිපත් කිරීම නිසා සභාව උණුසුම් මුහුණුවරක් ගනු ලැබීය.
කෙසේ නමුත් ගොඩයමු සාමූහිකය පෙනී සිටින මූලික අවම ආර්ථික ප්රතිසංස්කරණයන් මේවායි.
සියල්ල රජයෙන් ලබා දිය යුතු යැයි සිතන සුබසාධනවාදී ජාතික මානසිකත්වයෙන් ගැලවීම.
රාජ්ය සේවයේ බඳවාගැනීම් වහා නතර කිරීම සහ රාජ්ය අංශය කාර්යක්ෂම කිරීම.
පාඩු ලබන රාජ්ය ආයතන ජනතාකරණය කිරීම.
ආයෝජනවලට හිතකර පරිසරයක් නිර්මාණය කිරීම සහ බාධාකාරී නීතිරීති ප්රතිසංස්කරණය.
ඵලදායී, කාර්යක්ෂම සමාජ ආරක්ෂණ ජාලයක් ඇති කිරීම.
ගොඩයමු සාමූහිකයේ ආර්ථික ප්රතිසංස්කරණ පාදක වී ඇත්තේ සාධාරණ සමාජයක් සඳහා වූ ව්යාපාරය විසින් යෝජනා කරන ලදුව පාර්ලිමේන්තුවේ බොහෝ පක්ෂවල නියෝජිතයන් විසින් පිළිගත් අවම ආර්ථික වැඩපිලිවෙල මතයි. මෙය කිසිදු දේශපාලන පක්ෂයකට සම්බන්ධ නොවූ පුරවැසි ක්රියාකාරීත්වයක් බව ගොඩයමු සාමූහිකය පවසයි.
මෙම ව්යාපෘතිය වෙනුවෙන් හැකි උපරිම සහයෝගය ලබා දෙමින් තමන් සමග අත්වැල් බැඳගන්නා මෙන් ගොඩයමු සාමූහිකය මෙහිදී සියලු මාධ්ය වලින් ඉල්ලීමක්ද කරනු ලැබුවා.
මහාචාර්ය රොහාන් සමරජීව, ඇඩ්වොකාටා ආයතනයේ ධනනාත් ෆර්නැන්ඩො, රන්දුලා ද සිල්වා සහ චින්තන ධර්මදාස යන අය මෙහිදී ගොඩයමු සාමූහිකය වෙනුවෙන් අදහස් දැක්වුවා.
ගීතය සහ ජාතික පණිවුඩය මෙතනින්…..
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…