මෙරටින් ළමා ලාදුරු රෝගින් වාර්තා වීම ඉහළ ගොස් ඇති බව ලාදුරු මර්දන ව්යාපාරය පවසයි.
කොවිඩ් වසංගත තත්ත්වයත් සමග පසුගිය කාලය තුළ ලාදුරු රෝගීන් හඳුනාගැනීම අවම මට්ටමක පැවති බව එහි අධ්යක්ෂ විශේෂඥ වෛද්ය ප්රසාද් රණවීර මහතා සඳහන් කළේය.
ඒ අනුව පසුගිය වසරේ සිට මේ දක්වා කාලය තුළ ළමා ලාදුරු රෝගීන් 250 දෙනෙක් පමණ දිවයිනේ විවිධ ප්රදේශවලින් හඳුනාගෙන තිබේ.
ඒ අතරින් වැඩි දෙනෙකු මඩකලපුව දිස්ත්රික්කයෙන් වාර්තා වන බව ද විශේෂඥ වෛද්ය ප්රසාද් රණවීර මහතා සදහන් කළේය.
මේ සම්බන්ධයෙන් වැඩිදුරටත් පැහැදිලි කරන ලාදුරු මර්දන ව්යාපාරයේ අධ්යක්ෂ විශේෂඥ වෛද්ය ප්රසාද් රණවීර මහතා,
“2021 සහ 2022 වසරේ මේ දක්වා ළමා ලාදුරු රෝගීන්, ඒ කියන්නේ වසර 14ට වඩා අඩු වයසේ ඇති රෝගීන් 250 දෙනෙක් පමණ අප රට තුළ වාර්තා වුණා. මෙය ප්රතිශතයක් ලෙස ගත්තහම අපිට හමුවන ලාදුරු රෝගීන්ගෙන් 14%ක් පමණ වෙනවා. ඇතැම් දිස්ත්රික්කවල මේ අගය ඉතා වැඩි අගයක් ගන්නවා. උදාහරණයක් ලෙස මඩකලපුව දිස්ත්රික්කයේ 25%ක් පමණ ළමා ලාදුරු රෝගීන්. මේ ළමා ලාදුරු රෝගීන් වැඩියි කියන එකෙන් අදහස් කරන්නේ, රෝගීන් හඳුනාගැනීම වැඩියි. ඇත්ත වශයෙන්ම ඒකට හේතුව තමා පසුගිය වසර 3 තුළ ලාදුරු රෝගීන් හඳුනාගැනීමේ අඩුවක් සිදුවුණා කොවිඩ් වසංගත තත්ත්වය සමග. අපි ඉල්ලා සිටිනවා ජනතාවගෙන් දරුවන්ගේ, ලාදුරු රෝගයේ මුලික ලක්ෂණයක් වන සමේ පැහැයට වඩා අඩු පැහැයෙන් යුතු ලපයක් හෝ ඒ ලපවල දැනීමේ අඩුවක් වුණොත් හරි අතපය හිරිවැටීමක් වගේ ගතියක් තිබුණොත් ළඟම තියෙන සමේ රෝග සායනයට යන්න. එතැන දී ඔබේ දරුවාට ලාදුරු ද නැද්ද කියලා හොයා ගන්න පුළුවන්.”
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…