ත්රස්තවාදය වැළැක්වීමේ පනත යටතේ දින 89ක් රඳවාගෙන පසුව රක්ෂිත බන්ධනාගාරගත කළ අන්තර් විශ්වවිද්යාලයීය භික්ෂු බල මණ්ඩලයේ කැඳවුම්කරු පූජ්ය ගල්වැව සිරිධම්ම හිමියන් අද (23) ඇප මත මුදා හැර තිබේ.
උන්වහන්සේට එලෙස ඇප නියම කළේ, කොළඹ අතිරේක මහේස්ත්රාත් ටී.එන්.එල්. මහවත්ත මහත්මියයි.
සැකකාර හිමියන් බන්ධනාගාර නිලධාරීන් විසින් මුහුණු ආවරණය කොට අතිරේක මහේස්ත්රාත්වරියගේ නිල මැදිරියට රැගෙන එනු ලැබීය.
එහිදී නීතිපතිවරයා වෙනුවෙන් පෙනී සිටි ජ්යෙෂ්ඨ නියෝජ්ය සොලිස්ටර් ජනරාල් දිලීප පීරිස් මහතා කියා සිටියේ, සැකකරු ඇප මත මුදා හැරීමට නීතිපතිවරයා තීරණය කර ඇති බවය.
එබැවින් සැකකාර හිමිනම ඇප මත මුදා හරින්නැයි ඔහු අධිකරණයෙන් ඉල්ලීමක් කළේ ය.
ඒ අනුව ගල්වැව සිරිධම්ම හිමියන් රුපියල් ලක්ෂ 05 බැගින් වූ ශරීර ඇප 2 ක් මත මුදා හැරීමට නියෝග කළ අතිරේක මහේස්ත්රාත්වරිය මසකට වරක් අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙසට ද නියෝග කළා ය.
සැකකාර හිමිනමට විදෙස් ගමන් තහනමක් ද පැන වූ අතර මෙම නඩු කටයුත්තට අදාලව කිසිදු ප්රකාශයක් මාධ්ය හමුවේ සිදු නොකරන ලෙසටත් ප්රචණ්ඩකාරී අයුරින් හැසිරුණු බවට පැමිණිලි ලදහොත් ඇප අවලංගු කර රක්ෂිත බන්ධනාගාරගත කරන බවටත් අධිකරණය නියෝග කර තිබේ.
ජනාධිපති ධුර අපේක්ෂකයින් ප්රවර්ධනය කිරීම හේතුවෙන් හම්බන්තොට දිස්ත්රික්කයේ රාජ්ය නිලධාරින් 9දෙනෙකු මැතිවරණ රාජකාරී වලින් ඉවත්…
සබරගමුව පළාතෙත් කළුතර, ගාල්ල සහ මාතර දිස්ත්රික්ක වලත් විටින් විට වැසි ඇතිවේ. වයඹ පළාතෙත් කොළඹ,…
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…