ගිනිකොණ දිග බෙංගාල බොක්ක සහ ඊට යාබද උතුරු අන්දමන් සාගරය ආශ්‍රිත ව පවතින අඩු පීඩන කලාපය නොවැම්බර් මස 19 වන දින වනවිට පීඩන අවපාතයක් දක්වා වර්ධනය වී, බටහිරට බර ව වයඹ දෙසට ගමන් කරමින් 2022 නොවැම්බර් මස 20 සහ21 දින වන විට ශ්‍රී ලංකාවේ උතුරු වෙරළට ආසන්න ව ගමන් කිරීමේ වැඩි හැකියාවක් පවතින බව කාලගුණ විද්‍යා දෙපාර්තමේන්තුව නිවේදනය කරනවා.
උතුරු, උතුරු-මැද සහ නැගෙනහිර පළාත්වල විටින් විට හමන පැයට කිලෝ මීටර් (40-50)ක පමණ තද සුළං ඇති විය හැකි යි.
උතුරු සහ නැගෙනහිර පළාත්වල වැසි ස්වල්පයක් ඇති වනු ඇති.
දිවයිනේ සෙසු ප්‍රදේශවල ප්‍රධාන වශයෙන් වැසි නොමැති කාලගුණ තත්ත්වයක් පවතිනු ඇති අතර, සබරගමුව, ඌව සහ මධ්‍යම පළාත්වල උදෑසන කාලයේ මීදුම් සහිත තත්ත්වයක් පැවතිය හැකි බව සඳහන් වෙයි.