තුර්කිය තුළ ක්‍රියාත්මක වූ ඉස්ලාම් දහමින් බිඳීගිය ආගමික කල්ලියක නායකයෙක් වූ අද්නාන් ඔක්ටාර් හට චෝදනා දහයක් යටතේ වසර 8658ක සිර දඬුවමක් නියම කරන්නට තූර්කි අධිකරණය පියවර ගෙන තිබෙනවා.
අද්නාන් ඔක්ටාර් හට අපරාධ කල්ලියක් මෙහෙයවීම, දේශපාලන සහ හමුදා ඔත්තු බැලීම් සහ බාලවයස්කරුවන් ලිංගික අපයෝජනයට ලක් කිරීම වැනි චෝදනා එල්ල වී තිබෙනවා.
ආගමික කල්ලි නායකයෙක් “කල්ට් නායකයෙකු” වූ අද්නාන් ඔක්ටාර්, ඉස්ලාම් දහමේ මැවුම්වාදය සහ ගතානුගතික වටිනාකම් පිළිබඳ දේශනා කරන විට සුරූපී කාන්තාවන් විසින් වට කරන ලද රූපවාහිනී වැඩසටහන් මෙහෙයවමින් එය සිදු කරනු ලැබුවා.
අද්නාන් ඔක්ටාර් තමා වටා සිටින එම සුරූපී කාන්තාවන් හඳුන්වා දුන්නේ “පූස් පැටවුන්” ලෙසින්.
රන්වන් කෙස් ඇති, නවීන විලාසිතාවන්ගෙන් සැරසුණු අතිශය සුරූපී මෙම ලලනාවන් අද්නාන් ගේ දේශනා අතරවාරයේ ඔහු සමග නර්තනයේ යෙදුණු අතර මෙම දේශනා තුර්කි සාම්ප්‍රදායික ඉස්ලාම් බැතිමතුන්ගේ දැඩි විවේචනයට සහ විරෝධයට ලක් වුණා.
66 හැවිරිදි අද්නාන් ඔක්ටාර් සහ ඔහුගේ අනුගාමිකයින් පලමු වරට 2018 වසරේ දී අත්අඩංගුවට ගනු ලැබුවේ ඔහුගේ සුඛෝපභෝගී විලා පන්නයේ නිවස තුර්කි පොලීසිය විසින් සිදු කළ වැටලීමකින් පසුවයි.
පොලිසිය මෙම වැටලීම සිදු කලේ ඔහු විවිධ ප්‍රකාශන ආයතන සහ මාධ්‍ය ආයතන හරහා ජාත්‍යන්තර පරිණාම විරෝධී ව්‍යාපාර ගෙන ගිය විෂම ඉස්ලාමීය ලබ්ධියක වෙස්වලා ගනිමින් අපරාධ වළල්ලක් පවත්වාගෙන ගිය බව හෙළි වීමෙන් පසුවයි.
මීට සමගාමිව ඔහුගේ දේශනා ප්‍රචාරය කිරීම සඳහා භාවිත කළ අන්තර්ජාල A9 රූපවාහිනී නාලිකාව ද වසා දැමුනා.
ඉන්පසු 2021 ජනවාරි මාසයේදී, අපරාධ කල්ලියක් මෙහෙයවීම, දේශපාලන සහ හමුදා ඔත්තු බැලීම, බාලවයස්කරුවන් ලිංගික අපයෝජනය කිරීම, ස්ත්‍රී දූෂණය, තර්ජනය කිරීම සහ වධහිංසා පැමිණවීම ඇතුළු වෙන්වූ චෝදනා 10 කට ඔක්ටාර් වරදකරු වුනා.
එම නඩු විභාගයේ දී ඔක්ටාර්ට වසර 1,075 ක සිරදඬුවමක් නියම වූ නමුත් තුර්කි උපරිමාධිකරණය එම තීන්දුව අවලංගු කර එම නඩුව නැවත කැඳවීමට නියෝග කළා.
නැවත නඩු විභාගය අතරතුර, ඉස්තාන්බුල්හි ඉහළ අපරාධ අධිකරණය බදාදා ඔක්ටාර්ට වසර 8,658 ක සිර දඬුවමක් නියම කළේ, ලිංගික අපයෝජනය සහ යමෙකුගේ නිදහස අහිමි කිරීම ඇතුළු චෝදනා කිහිපයක් යටතේයි.
මේ සමගම ඔක්ටාර් ගේ අනුගාමිකයින් වූ තවත් සැකකරුවන් 10 දෙනෙකුට ද වසර 8,658 බැගින් වූ සිරදඬුවම් මෙම අධිකරණය විසින් නියම කළ බවයි ඒජන්සි වාර්ථා දක්වන්නේ.
තුර්කි ඩේලි සබා පුවත්පතට අනුව, මෙම සිරදඬුවම අධිකරණය විසින් නිකුත් කරන ලද පෙර වාර්තාගත සිරදඬුවම් කාලය ඉක්මවා නැත.
ලෝකයේ දීර්ඝතම සිර දඬුවම වන එය වසර 9,803 මාස හයක් වන අතර එම දඬුවම පනවා ඇත්තේ ද තුර්කි අධිකරණයක් විසින් ම වීම විශේෂත්වයක්.
ඔහු හරුන් යාහියා යන අන්වර්ථ නාමයෙන් ලොව පුරා විවිධ භාෂාවලින් ඔහුගේ ඉගැන්වීම් පිළිබඳ ග්‍රන්ථ ගණනාවක් ප්‍රකාශයට පත්කර ඇති අතර 2010 වසර වන තුරු එම ප්‍රකාශනයන්ට ලොව පුරා ඉතා ඉහළ ඉල්ලුමක් පැවතුනා.
2016 දී එක්සත් ජනපදය පදනම් කරගත් මුස්ලිම් විශාරද ෆෙතුල්ලා ගුලෙන් විසින් මෙහෙයවන ලද අසාර්ථක වූ කුමන්ත්‍රණ ප්‍රයත්නයක් සම්බන්ධයෙන් ද තුර්කිය අද්නාන් ඔක්ටාර් ට චෝදනා එල්ල කරන අතර ඔහුගේ ජාලයට ආධාර කිරීම ද එම චෝදනාවලට ඇතුළත්
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…