මහජන ආරක්ෂක අමාත්‍යාංශ ලේකම් සහ පොලිස්පති මානව හිමිකම් කොමිසමට කැඳවයි !

මේ වනවිට පොලිස් නිලධාරීන් විසින් නිරන්තරයෙන් සහ අඛණ්ඩව සිදුකරන මානව හිමිකම් උල්ලංඝණය කිරීම සම්බන්ධව කරුණු විමසීම සඳහා මහජන ආරක්ෂාව පිළිබඳ ලේකම්වරයා සහ පොලිස්පතිවරයා මානව හිමිකම් කොමිසම ඉදිරියට කැඳවීමට එම කොමිසම තීරණය කර තිබේ.

මානව හිමිකම් කොමිසම නිවේදනයක් නිකුත් කරමින් සඳහන් කරන්නේ ලබන 21 වැනිදා උදේ 10ට මහජන ආරක්ෂාව පිළිබඳ අමාත්‍යාංශයේ ලේකම්වරයාට සහ පොලිස්පතිවරයාට කොමිෂන් සභාවේ ප්‍රධාන කාර්යාලයේ පෙනී සිටින ලෙස දන්වා ඇති බවය.

නීතිය ආරක්ෂා කිරීමට බැඳී ඇති නිලධාරීන්ගේ මේ හැසිරීම අනුමත කළ නොහැකි බවත්, මෙවන් මානව හිමිකම් උල්ලංඝණය වීමේ තත්තවයන් ඉදිරියේ දී ඇති නොවීමට ගත හැකි පියවර පිළිබඳ උක්ත පාර්ශවයන්ගෙන් කරුණු විමසීම සිදුකරන ලබන බවත් ශ්‍රී ලංකා මානව හිමිකම් කොමිසම එම නිවේදනයේ සඳහන් කරයි.

මානව හිමිකම් කොමිසම නිකුත් කළ නිවේදනය පහත දැක්වේ.