පකිස්තානයේ හිටපු අගමැති ඉම්රාන් ඛාන් නැගෙනහිර ලාහෝර් නගරයේ විරෝධතා පාගමනක් අතරතුර වෙඩි ප්රහාරයකට ලක්වී ඇති බව විදෙස් මාධ්ය වාර්තා කරනවා.
ඉන් ඔහුගේ පාදයකට තුවාල සිදුවී ඇති බව විදෙස් මාධ්ය තවදුරටත් වාර්තා කරයි.
තුවාල ලැබූ හිටපු අගමැතිවරයා ලාහෝර්හි රෝහලකට රැගෙනගොස් තිබෙන අතර ප්රහාරයෙන් තවත් පුද්ගලයින් සිව් දෙනෙකු තුවාල ලබා ඇති නමුත් කිසිවෙකු මිය ගොස් නොමැති බවයි
එරට මාධ්ය වාර්තා කරන්නේ වෙඩි තැබීමට සම්බන්ධ සියලු දෙනා ළඟදීම නීතිය හමුවට පමුණුවන බව පාකිස්ථාන ඇමතිවරයෙකු අවධාරණය කළේය.මේ අතර ඇතැම් වාර්තාවලට අනුව වෙඩි තැබීමට සම්බන්ධ පුද්ගලයා අත්අඩංගුවට ගෙන ඇතැයි ද විදෙස් මාධ්ය ප්රකාශ කර තිබෙනවා.
හිටපු අගමැති ඉම්රාන් ඛාන් කඩිනමින් මැතිවරණයක් ඉල්ලා මෙලෙස විරෝධතාවයට එක්වී ඇති අතර ඔහුව ඝාතනය කිරීමේ අරමුණින් මෙම ප්රහාරය එල්ල කර ඇති බවයි ඔහුගේ PTI පක්ෂ සමාජිකයින් සඳහන් කරන්නේ.
පාකිස්තානයේ Dawn පුවත්පත අද වාර්තා කළේ ඉම්රාන් ඛාන් රැගත් වාහනය වසිරාබාද් ( Wazirabad) හරහා යද්දී නාඳුනන තුවක්කු කරුවන් විසින් ඔහුට වෙඩි තැබූ බවයි. ප්රාදේශීය මාධ්ය වාර්තා කළේ මෙම වෙඩි ප්රහාරය හිටපු අගමැති ඛාන්ගේ කකුලට වැදී ඇති බවය.
පකිස්තාන ප්රවෘත්ති නාලිකාවක් වන ARY වෙඩිවැදුන හිටපු අගමැතිවරයා පිරිසක් මැදින් රැගෙන යන ආකාරය දැක්වෙන වීඩියෝවක් විකාශය කර ඇත.
ඔහුගේ කකුල වටා වෙළුම් පටියක් බැඳ ඇති අයුරු එම දර්ශනවල දැක්විණි.
ඛාන්ගේ පකිස්තාන් ටෙහ්රීක්-ඊ-ඉන්සාෆ් (පීටීඅයි) පක්ෂයේ ෆාරුක් හබීබ් පවසා ඇත්තේ, “ඉම්රාන් ඛාන් තුවාල වී ඇත, අල්ලාහ් ඔහුව ආරක්ෂා කරයි, මුළු ජාතියම ඉම්රාන් ඛාන්ගේ ජීවිතය වෙනුවෙන් යාච්ඥා කළ යුතුය.” යනුවෙනි.
ඛාන්ගේ පකිස්තාන් ටෙහ්රීක්-ඊ-ඉන්සාෆ් (පීටීඅයි) පක්ෂයේ ප්රකාශක අසාර් මාෂ්වානි පැවසුවේ හිටපු අගමැති “ආරක්ෂිත” බවත් සැකකරු අත්අඩංගුවට ගෙන ඇති බවත්ය.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්රදේශවල…
අධ්යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්රේණිය ශිෂ්යත්ව විභාග සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්රී ලංකා කණ්ඩායම අතර ගාල්ල ජාත්යන්තර ක්රිකට් ක්රීඩාංගණයේ දී පැවැත්වෙන පළමු…
පොළොන්නරුව බකමූණ ප්රදේශයේ ප්රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්ය වූ එහි සේවක සේවිකාවන්…
හිටපු සෞඛ්ය අමාත්යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…