දක්ෂිණ අධිවේගී මාර්ගයේ කහතුඩුව ප්‍රදේශයේ දී ලොරි රථයක් තවත් ලොරි රථයක ගැටී අනතුරක් සිදුව තිබේ.
ගැලනිගම රථ වාහන පොලීසිය පැවසුවේ අනතුරින් එක් ලොරි රථ රියැදුරෙක් බරපතළ තුවාල ලබා රෝහල් ගතකර ඇති බවයි.
ලොරි රථ දෙකම කොළඹ දෙසට ධාවනය වෙමින් තිබියදී කිලෝමීටර 3.9 ආසන්නයේ දී ඉදිරියෙන් ධාවනය වෙමින් තිබූ ලොරි රථයේ ශබ්දයක් ඇසී මාර්ගයේ අයිනට කර නතර කිරීමත් සමගම පිටුපසින් පැමිණි ලොරි රථය එහි ගැටී මෙම අනතුර වී ඇතැයි පොලීසිය සඳහන් කළේය.
අනතුර සිදුවූ වහාම එම ස්ථානයට පැමිණි පොලිස් විශේෂ කාර්යය බළකා හදිසි මුදාගැනීමේ නිලධාරීන් ලොරියේ සිර වී සිටි රියැදුරුව පිටතට ගෙන හෝමාගම මූලික රෝහල වෙත ඇතුළත් කර තිබේ.
