දකුණු අප්‍රිකාවේ ජොහැනස්බර්ග් නගරයේ, තට්ටු නිවාස සංකීර්ණයක ඇතිවී ඇති ගින්නකින් 60කට අධික සංඛ්‍යාවක් මියගොස් ඇති බව විදෙස් මාධ්‍ය වාර්තා කරයි.
ඉන් තවත් 40කට අධික පිරිසක් තුවාල ලබා ඇති බව ද වාර්තා වෙයි. එරට වේලාවෙන් අද (31) පෙරවරු 10.00 ට පමණ මේ ගින්න ඇතිවී තිබේ.
මරණ සංඛ්‍යාව තවදුරටත් ඉහළ යා හැකි බවයි එරට බලධාරීන් පැවසුවේ.
මෙම ගොඩනැගිල්ලේ පුද්ගලයන් 200ක් පමණ ජීවත් වන බවට ඇස්තමේන්තු කර ඇති අතර ඉන් බහුතරයක් සරණාගතයින් බව විදෙස් මාධ්‍ය වාර්තා කරයි.
