හෝමාගම අවට ප්‍රදේශවල පදිංචිකරුවන්ට මුව ආවරණ පළඳින ලෙසට විශේෂ දැනුම්දීමක් සිදු කර තිබෙනවා.
ඒ, කොළඹ ආපදා කළමනාකරණ ඒකකය සහකාර අධ්‍යක්ෂවරයා විසින්. හෝමාගම කර්මාන්තපුරයේ රසායනික ගබඩාවක ඇතිවූ ගින්න හේතුවෙන් මතුවිය හැකි ශ්වසන ආබාධ අවම කරගැනීම සඳහායි මෙම උපදෙස් ලබා දී ඇත්තේ.
කර්මාන්තපුරයේ රසායනික ගබඩාවක ඇතිවූ ගින්න පාලනය කිරීම සඳහා ගිනි නිවීමේ රථ 7ක් මේ වනවිට යොදවා ඇති බව සඳහන්.
ඊයේ (17) රාත්‍රී 8.30ට පමණ හෝමාගම කර්මාන්ත ශාලා දෙකක හටගත් ගින්න රෙදි පිළිකම්හලක් ඇවිලී තීන්ත කම්හලක් දක්වා පැතිර යෑම නිසා මැඩපැවැත්වීම දුෂ්කර වී තිබේ. වාර්තාවන පරිදි මෙම කර්මාන්ත ශාලා දෙකේම රසායනික ද්‍රව්‍ය තොග පැවතී තිබෙනවා.
කෝට්ටේ මහ නගර සභාවේ ගිනි නිවිම් ඒකකය සහ හොරණ නගර සභාවේ ගිනි නිවීම් ඒකකය එක්ව ගින්න මැඩපැවැත්වීම සඳහා දැඩි පරීශ්‍රමයක් දරමින් සිටිනවා.
ගින්නට අදාළ දර්ශන පහතින්,
BREAKING NEWS – Huge fire broke out in a chemical warehouse in Homagama#BREAKINGNEWS – හෝමාගම රසායනික ගබඩාවක විශාල ගින්නක් (VIDEO)#Fire #Homagama #lka #news #Srilanka pic.twitter.com/qsMQrSWn3c
— Ceylon News Factory 🇱🇰 (@CeylonNewsFact) August 17, 2023
