ශ්‍රී ලංකා ජාතික ගීයේ අකුරක් හෝ කොමාවක් හෝ කිසි ලෙසකින් වෙනස් කළ නොහැකි බව ආණ්ඩුක්‍රම ව්‍යවස්ථාවේ සඳහන් වෙනවා.
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ ජාතික ගීය ගැන සඳහන් වන්නේ මේ ලෙසින්. “ශ්‍රී ලංකා ජනරජයේ ජාතික ගීය “ශ්‍රී ලංකා මාතා” ගීය වන්නේය. ජාතික ගීයෙහි පදමාලාව සහ සංගීතය තුන්වන උපලේඛනයෙහි දැක්වෙන්නේ ය” යනුවෙන්.
මේ සම්බන්ධව මහාචාර්ය නීතිඥ ප්‍රතිභා මහානාමහේවා ප්‍රකාශ කළේ මෙවන් අදහසක්.
“රටක අනන්‍යතාව මතු කරන ප්‍රධාන කාරණා 3ක් තිබෙනවා. එනම්, රටේ නම, ජාතික ගීය සහ ජාතික කොඩියයි.
ආනන්ද සමරකෝන් බොහොම අමාරුවෙන් මෙහි සංගීතය, පදරචනය කළේ. ඒ වගේම ඉන්දියාවේ මහා ගාන්ධර්ව රවීන්ද්‍රනාත් තාගෝර් මෙය පෝෂණය කර දුන්නා.
පළමුවෙනි විධායක ජනාධිපති ජේ.ආර්. ජයවර්ධන 78 ආණ්ඩු ක්‍රම ව්‍යවස්ථාවට මෙය නීතියක් ලෙස ඇතුළත් කරනවා.
මෙය නීතියක් විතරක් නොවෙයි මූලික මිනිස් අයිතිවාසිකමක්.
එහි ඉතාම පැහැදිලිව සඳහන් වෙනවා ශ්‍රී ලංකා ජාතික ගීය “ශ්‍රී ලංකා මාතා…” ලෙස. ජාතික ගීයේ පදමාලාව සහ සංගීතය තුන්වන උප ලේඛනයේ ඉතාම පැහැදිලිව සඳහන් වෙනවා.
ඒ නිසා මෙහි අකුරක් හෝ වෙනස් කරනවා නම්, කොමාවක් හෝ වෙනස් කරනවා නම්, පාර්ලිමේන්තුවේ තුනෙන් දෙකක බහුතර ඡන්දයක් සහ 83 වන ව්‍යවස්ථාව අනුව ජනමත විචාරණයක් තියන්න ඕනෑ. ඒක තමයි නීතිය.
ජාතික ගීය රැප් කරනවා නම් කරන්න ඕනේ 78 ව්‍යවස්ථාවට අනුවයි.
තැන් තැන්වල ජාතික ගීය වෙනස් කර ගායනා කරනවා නම් එය රට හෑල්ලු කිරීමක්. යැයි පැවසුවා.
මින් ගම්‍ය වන්නේ රටේ ජාතික ගීය කිසි ලෙසකින් හෝ වෙනස් කළ නොහැකි බවයි.
1 Comment