දේශීය ආදායම් දෙපාර්තමේන්තුවේ නිවේදනයට අනූව එළඹෙන වසරේ ජනවාරි 01 වැනිදා සිට මත්පැන් බලපත්‍ර අලුත් කිරීමේදී අවශ්‍යවන නිෂ්කාශන සහතික ඉල්ලුම් කිරීමට අදාළව කරුණු කිහිපයක් කෙරෙහි අවධානය යොමු කෙරෙනවා.
ඒ අනුව, 2023 /2024 තක්සේරු වර්ෂය සදහා ආදායම් බදු අනිවාර්යයයෙන් ගෙවා තිබිය යුතු අතර, 2024/ 2025 තක්සේරු වර්ෂයටද මුල් කාර්තු දෙක සදහා ගෙවීම් සිදුකර තිබිය යුතු වනවා.
එසේම, නියමිත පරිදි සමාජ ආරක්ෂණ දායකත්ව බදු ගෙවා තිබිය යුතු අතර, වෙනත් බදු සදහා ලියාපදිංචි වී ඇත්නම් ඊට අදාළ වාර්තා ලබාදී ඒවාද ගෙවා නිමකර තිබිය යුතු බව එහි සඳහන්.
බදු ගෙවීමට නොමැති නම් ඊට හේතු අයදුම්පතෙහි සඳහන් කළ යුතු අතර, අදාළ නිෂ්කාශන සහතිකය සෘජුවම සුරාබදු දෙපාර්තමේන්තුව වෙත යොමු කෙරෙන බවයි දේශීය ආදායම් දෙපාර්තමේන්තුව ප්‍රකාශ කළේ.