”එන් බි සි” රුපවාහිනී සේවයේ විකාශනය වූ අතිශයින් ජනප්‍රිය ”ටාසන් ” ටෙලි නාට්‍ය මාලාවේ ටාසන් ගේ චරිතයට පණ පෙවූ ඇමරිකානු නළු රොන් එලී මිය ගොස් තිබෙනවා.
ඒ බව ඔහුගේ දියණිය විසින් අද ඉන්ස්ටග්‍රැම් සාමාජ මාධ්‍ය ජලය ඔස්සේ නිවේදනය කර තිබුණා.
රොන් එලී ඇමරිකා එක්සත් ජනපදයේ කැලිෆෝනියා ප්‍රාන්තයේ ඇලමොස් ප්‍රදේශයේ පිහිටි සිය නිවසේදී ඉකුත් සැප්තැම්බර් මස 29 වැනිදා මිය ගොස් තිබේ. ඔහු මිය යන විට 86 හැවිරිදි වියෙහි පසුවූ බව විදෙස් මාධ්‍ය පවසයි .
කෙසේ වුවද 1960 දශකයේ ලොව පුරා මිලියන ගණනක ප්‍රේක්ෂකයන්ගේ ආදරය දිනාගෙන තිබු ”ටාසන් ” නාට්‍ය මාලාවේ ටාසන්ගේ චරිතයට පණ පෙවූ රොන් ගේ මරණයට මුල් වූ හේතුව අනාවරණය වී නොමැත .
රොන් එලයි ගේ මරණය නිවේදනය කරමින් ඉන්ස්ටග්‍රෑම් සමාජ මාධ්‍ය ජාළයේ සටහනක් පළ කර ඇති ඔහුගේ දියණිය වන කර්ස්ටන් කැසෙල් එලයි පවසා ඇත්තේ ”ලෝකයට හිටපු විශිෂ්ඨතම මිනිසෙකු අහිමි විය .-මට මාගේ පියා නැති විය යනුවෙනි.
රොනල්ඩ් පියර්ස් එලයි නමින් 1938 වසරේ ජුනි 21 වැනිදා ඇමරිකා එක්සත් ජනපදයේ ටෙක්සාස් ප්‍රාන්තයේ උපත ලැබිය. 1957 වසරේදී රංගනයට පිවිසි ඔහු අඩි 6‘ 4ක් උස් වූ අයෙකි . ටාසන් රුපවාහිනී නාට්‍ය මාලාවේ රගපාන අතරතුරදී ඔහුගේ ස්ටන්ට් දර්ශන ඔහු විසින්ම නිරුපණය කිරීම හේතුවෙන් ඔහුගේ අස්ථි ගණනාවකට හානි සිදුව තිබු අතර අවස්ථා කිහිපයකදීම සිංහයන්ගේ සපාකෑම්වලට මුහුණ පා තිබිණි.
ටාසන් ගේ චරිතය නිරුපණය කිරීම හේතුවෙන් ඔහුට ”ඩොක් සැවේජ් ” හා ”ද මෑන් ඔෆ් බ්‍රෝන්ස් ” (1975 )ඇතුළු චිත්‍රපට 12ක රඟපෑමේ අවස්ථාව උදා විය. ඔහු රංගනයෙන් දායක වූ රුපවාහිනී නාට්‍ය සංඛ්‍යාව 27කි. ඔහු 2014 වසරේදී රංගනයෙන් සමුගෙන තිබු අතර ග්‍රන්ථ රචනයට පිවිස ග්‍රන්ථ කිහිපයක්ම එළිදක්වා තිබිණි.