මේ වනවිට බදු ගෙවීම් පහැර හැරීම හේතුවෙන් බන්ධනාගාරගතව සිටින අර්ජුන් ඇලෝසියස්ගෙන් එම බදු මුදල යළි අය කරගැනීම සඳහා බදු මුදල උසාවිගේ ගිනුම් අංකයකට බැර කරගැනීමට අදාල කටයුතු නීතිමය කටයුතු නුදුරේදීම සිදුවන බව දේශීය ආදායම් දෙපාර්තමේන්තුවේ කොමසාරිස් ජනරාල් සේපාලි චන්ද්‍රසේකර අවධාරණය කරනවා.
දේශීය ආදායම් දෙපාර්තමේන්තුව නඩු පවරන නමුත් පැහැර හැරිය බදු මුදල් අය කරගැනීමේ බලය ඇත්තේ උසාවියට බැවින් එම නෛතික ක්‍රියාවලිය තුළ බදු අය කරගැනීම සිදුවනු ඇති බව දේශීය ආදායම් කොමසාරිස් ජනරාල්වරිය පෙන්වා දෙනවා.
උසාවිය නිකුත් කරන නියෝගය අනුව නොගෙවූ බදු මුදල් සහ දඩ මුදල් ඇලෝසියස් සතු බැංකු ගිනුම්වල මුදල්වලින් හෝ ඔහුගේ දේපල අත්පත් කරගැනීමකින් පියවීමේ බලය දේශීය ආදායම් පනතට අනුව දේශීය ආදායම් කොමසාරිස් ජනරාල්වරියට නීති ප්‍රතිපාදන හිමි වී තිබෙනවා.