ජනාධිපති රනිල් වික්‍රමසිංහ විසින් මැතිවරණයක් පැවැත්විය යුතු බවත් එය ඔහුගේ යුතුකම බවත්, මුදල් නොමැතිව ඡන්දයක් පැවැත්විය නොහැකිමුත් ඡන්දයක් පැවැත්වීම යුතුකමක් බව හිටපු අග්‍රාමාත්‍ය මහින්ද රාජපක්ෂ පවසනවා.
සිය පක්ෂය මැතිවරණයකට සුදානම් බව පැවසූ හිටපු අග්‍රාමාත්‍යවරයා කියා සිටියේ තමන්ගේ පාලන කාලය තුළ කිසිම දිනක මැතිවරණයක් කල් නොදැම්ම බවත්, ඊට හේතුව තමන්ට ජය ගැනීමට හැකි බව දන්නා නිසා බවත් පවසා සිටියා. කෙසේ වෙතත් මේ ආණ්ඩුව ජයග්‍රහණය කරයිද යන්න පිළිබඳව තමාට විශ්වාසයක් නොමැති බවයි ඔහු කියා සිටියේ.
මැතිවරණයක් පැවැත්වීමෙන් ජනාධිපතිවරයාටත් තම පක්ෂය තිබෙන තැන ගැන දැනගැනීමට හැකියාව ඇති බවත්, ආණ්ඩුව ගැන ජනතාව හිතන ආකාරයත් දැනගැනීමට හැකියාව පවතින බවත් හිටපු අග්‍රාමාත්‍යවරයා වැඩිදුරටත් පවසා සිටියා.