සංචාරක නවසීලන්ත ක්‍රිකට් කණ්ඩායම සහ ශ්‍රී ලංකා කණ්ඩායම අතර පැවැත්වෙන තරග 2කින් යුත් විස්සයි විස්ස පළමු තරගය අද (09) ඇරඹීමට නියමිතයි.
එම තරඟය රංගිරි දඹුලු ක්‍රීඩාංගණයේදී රාත්‍රි 7.00ට පැවැත්වීමට නියමිතය.
ශ්‍රී ලංකා කණ්ඩායමේ නායකයා ලෙස චරිත් අසලංක කටයුතු කරන අතර නවසීලන්ත කණ්ඩායමේ නායකයා වන්නේ මිචෙන් සැන්ටනර්ය.
වසර 5කට පසුව නවසීලන්ත කණ්ඩායම සමග ශ්‍රී ලංකාව මෙරටදී 20-20 තරගයකදී මුණගැසෙන්නේ අදයි. ඒ 2019 වසරේදී මෙරටදී පැවැති තරගාවලිය 2 – 1 ලෙස නවසීලන්තය ජයග්‍රහණය කළ පසුබිමකයි.
නවසීලන්තය සමග පැවැති 20-20 තරගාවලි හතරම ශ්‍රී ලංකා කණ්ඩායම පරාජය වී ඇති අතර 2013 වසරේ සිට ශ්‍රී ලංකාව තරගාවලි ජයක් නොලැබූ අතර මෙවර වසර 11කට පසුව ශ්‍රී ලංකාව ජයග්‍රහණයක් සොයා අද ක්‍රීඩාපිටියට පිවිසීමට නියමිතය.
ශ්‍රී ලංකාව සහ නවසීලන්තය අතර විස්සයි විස්ස තරග 33ක් පවත්වා ඇති අතර නවසීලන්තය තරග 13ක් ජයගෙන ඇති අතර ශ්‍රී ලංකාව තරග 9ක් ජයගෙන ඇත.
කෙසේ වෙතත් නවසීලන්තය අද තරගයට පිවිසෙන්නේ ඉන්දියාව සමග පැවති විස්සයි විස්ස සහ ටෙස්ට් තරග මාලාවකින් පසුවය.