හිටපු ජනාධිපති මෛත්‍රිපාල සිරිසේන සර්ව ජන බලයට සහයෝගය ලබා දීමට එකඟ වි තිබෙනවා.
හිටපු ජනාධිපතිවරයා ඊයේ (09) ප්‍රකාශ කළේ මේ වනවිට ඇති එකම මාර්ගය සර්ව ජන බලය බව පෙනෙන නිසා සිය පුතා ඒ දිශාවට යොමු කළ බවය. අනතුරුව පියා ලෙස පුතාට සහයෝගය ලබාදීම අවශ්‍ය නිසාත්, සර්ව ජන බලය යහපත් දේශපාලන ප්‍රවේශයක් නිර්මාණය කර ඇති නිසාත් ඔවුන් හා එක්වීමට තීරණය කළ බවය.
හිටපු ජනාධිපතිවරයා පැවසුවේ අධිකරණයේ ඇති ශ්‍රී ලංකා නිදහස් පක්ෂය මේ වනවිට කෑලිවලට කැඩී විසිරී ඇති බැවින් එය අධිකරණයෙන් නිදහස් වී යහපත් හෙට දවසක සාර්ථක දේශපාලන ව්‍යාපාරයක් වනු ඇතැයි සිතන නමුත් මින් ඉදිරියට තමන් ගමන් කරන්නේ සර්ව ජන බලය සමග බවය.