රුපියල් කෝටි දෙකක් වටිනා විදේශීය නිෂ්පාදිත දුම්වැටි තොගයක් සහ විද්‍යුත් දුම්වැටි නැවත පිරවීම සඳහා භාවිත කරන රසායනික ද්‍රව්‍ය තොගයක් සහ එම ද්‍රව්‍ය මෙරටට රැගෙන ආ ගුවන් මගියෙකු ද කටුනායක ගුවන්තොටුපොළේ පැමිණීමේ පර්යන්තයේ දී රේගු නිලධාරීන් විසින් රේගු භාරයට ගෙන ඇති බව පොලිසිය සඳහන් කලා.
කොළඹ – 13 ප්‍රදේශයේ පදිංචි සැකකරු ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරණ ගුවන් යානයෙන් කටුනායක ගුවන්තොටුපොළ වෙත පැමිණ තිබුණි.
ඔහු විසින් රැගෙන ආ ගුවන් මලු තුළ දුම්වැටි 120,400ක් අඩංගු දුම්වැටි කාටූන් 602ක් සඟවා ගෙන පැමිණ සිටියදී, කටුනායක ගුවන්තොටුපොළ රේගු නිලධාරීන් විසින් මෙලෙස සොයා ගෙන තිබේ.