සිය මංගල ආසියානු කාන්තා ක්‍රිකට් ශූරතාවය හිමිකරගත් ශ්‍රී ලංකා කණ්ඩායම ට අමෙරිකානු ඩොලර් 100,000ක විශේෂ ත්‍යාගයක් පිරිනමන බව ශ්‍රී ලංකා ක්‍රිකට් ආයතනය පවසනවා.
ඒ බව තරගයෙන් අනතුරුව පැවති ත්‍යාග ප්‍රධාන උත්සවයේදී නිවේදනය කළා.
අද ඉන්දීය කණ්ඩායමට එරෙහිව පැවති අවසන් තරගය කඩුලු 8කින් ජය ගැනීමට ශ්‍රී ලංකා කණ්ඩායම සමත් වුණා.
එම තරගයේ වීරවරිය වීමට ශ්‍රී ලංකා කණ්ඩායමේ හර්ෂිතා සමරවික්‍රම සමත් වූ අතර තරඟාවලියේ දක්ෂතම ක්‍රීඩිකාවට හිමි සම්මානය නායිකා චමරි අතපත්තුට හිමි වුණා.