පාර්ලිමේන්තු මන්ත්‍රී එම්.ඒ.සුමන්තිරන් මහතා ගමන්ගත් සුඛෝපභෝගී ජිප් රථය යතුරුපැදියක් ගැටීමෙන් අනතුරක් සිදුව ඇති බව කිලිනොච්චිය පොලිසිය පවසයි.
කොළඹ සිට යාපනය දක්වා ගමන්කරමින් සිටියදී මන්ත්‍රීවරයාගේ ජිප්රථය කිලිනොච්චිය 155 කිලෝමීටර කණුව අසලදී යතුරුපැදියක් ගැටී ඇති බව පොලිසිය පැවසීය.
අනතුරින් කිසිවෙකුටත් හානියක් සිදුව නොමැති අතර, මන්ත්‍රීවරයාගේ වාහනයේ ඉදිරිපස කොටසකට සුළු හානියක් සිදුව ඇති බවද පොලිසිය සඳහන් කළේය. යතුරුපැදිකරුගේ අපරීක්ෂාකාරි ධාවනය අනතුරට හේතුවි ඇති බවද පොලිසිය පැවසීය.