ආණ්ඩුව ජූලි 8 සහ 9 වර්ජනය නොකළ රාජ්ය සේවකයන්ට වැටුප් වර්ධකය ලබා දුනහොත් ශ්රේෂ්ඨාධිකරණයට පෙත්සමක් ගොනු කරන බව ලංකා ගුරු සංගමයේ ප්රධාන ලේකම් ජෝසෆ් ස්ටාලින් මහතා පැවසීය.
සමස්ත රාජ්ය සේවයේ දැවැන්ත වෘත්තීය ක්රියාමාර්ගය ඉදිරියේ වැඩ කරන පන්තියේ වැටුප් ඉල්ලීම් ලබා දීම වෙනුවට සේවයට පැමිණි අතළොස්සකට වරදාන වැටුප් වර්ධකයක් ලබා දීමට අමාත්ය මණ්ඩලය ගෙන ඇති තීරණය වැළැක්වීමට නීති අංශ සමග සාකච්ඡා කළ බව ද හෙතෙම කීය.
ගුරු – විදුහල්පති ඇතුළු සමස්ත වැඩ කරන පන්තියේ ඉල්ලීම් නොසලකා හැර මෙසේ වරදාන වෙනුවෙන් වැටුප් වර්ධක දීමනාවක් ලබා දීමට කැබිනට් මණ්ඩලය අනුමැතිය ලබා දීම පිළිබඳව දැඩි විරෝධය පළ කරන බව ද ප්රධාන ලේකම්වරයා සඳහන් කළේ ය.
අධිකරණය මීට පෙර ආණ්ඩුවේ මෙවැනි වරදාන වැටුප් වර්ධක බල රහිත කර තීන්දු ලබා දී තිබෙන බව ද ස්ටාලින් මහතා ප්රකාශ කළේ ය.
1986 මාර්තු 18 සිට අප්රේල් 6 දක්වා පැවති හෙද වැඩ වර්ජනයට සහභාගී නොවී අඛණ්ඩව සේවයට පැමිණි හෙදියන්ට වැටුප් වර්ධක දෙකක් සහ කඩින් කඩ සේවයට පැමිණි හෙදියන්ට වැටුප් වර්ධකයක් ලබා දීමට එවකට පැවති රජයේ කැබිනට් මණ්ඩලය තීරණය කර තිබූ බව පැවැසූ හෙතෙම රාජ්ය සේවා එක්සත් හෙද සංගමය ඊට එරෙහිව ශ්රේෂ්ඨාධිකරණයට ගොනු කළ පෙත්සම සැලකිල්ලට ගෙන විනිසුරු වනසුන්දර, විනිසුරු එල්.එච්.ද අල්විස් හා විනිසුරු සෙනෙවිරත්න එම කැබිනට් තීරණය ශුන්ය හා බල රහිත කළ බව කීය.
ආණ්ඩුක්රම ව්යවස්ථාවේ 12 වන වගන්තියේ අඩංගු සමානාත්මතාව පිළිබඳ විධිවිධාන උල්ලංඝණය වන බව ද ආණ්ඩුක්රම ව්යවස්ථාවේ 55(5) ව්යවස්ථාව මගින් ලබා දී ඇති බලය අනුව මූලික මිනිස් අයිතිවාසිකමක් උල්ලංඝණය වන අවස්ථාවකදී කැබිනට් තීරණයක් සම්බන්ධයෙන් එවැනි තීරණයක් ලබා දීමට ව්යවස්ථාමය අධිකරණ බලයක් ශ්රේෂ්ඨාධිකරණයට පවරා තිබෙන බව ද එම අධිකරණ තීන්දුව මගින් ප්රකාශයට පත් කර ඇතැයි ද ඔහු පැවසීය.
යාපනයේ පෙරියවිලාන් ප්රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්රේණිය ශිෂ්යත්ව විභාගයේ ප්රශ්න පත්රය වට්ස්ඇප් මාධ්ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්රව්ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්රදේශයේ විහාරස්ථානයක වැඩවාසය කරනු ලබන…