වසරක් තුළ නිෂ්පාදනය කළ වැඩිම කුකුළු මස් නිෂ්පාදනය මේ වසරේ ගතවූ මාස හය තුළ වාර්තාවී ඇතැයි කෘෂිකර්ම අමාත්‍යාංශය ප්‍රකාශ කළා.
එම ප්‍රමාණය කුකුළු මස් කිලෝග්‍රෑම් මිලියන 269 ක්. සාමාන්‍යයෙන් පෙර වසරවලදී සම්පූර්ණ වර්ෂය පුරාම නිෂ්පාදනය කර ඇත්තේ කුකුළු මස් කිලෝග්‍රෑම් මිලියන 220 ත් 230 ත් අතර ප්‍රමාණයක්.
මේ වසර අවසන් වනවිට මෙම කුකුළු මස් නිෂ්පාදනය තවදුරටත් වාර්තාගත ලෙස ඉහළ යනු ඇති බවයි කෘෂිකර්ම අමාත්‍යාංශය සඳහන් කළේ.
මෙම තත්වය මත ඉදිරියේදී කුකුළු මස් මිල සීග්‍රයෙන් පහළ යනු ඇති බවයි වෙළඳපල ආරංචි මාර්ග සඳහන් කළේ.