රනිල්ගේ මීළඟ තුරුම්පුව මෙන්න – 26 ජාතිය අමතයි, 27,28 වහාම පාර්ලිමේන්තුව කැඳවයි !

2
1 Min Read

ජනාධිපති රනිල් වික්‍රමසිංහ මහතා ලබන 26 වැනිදා නැවත වතාවක් ජාතිය ඇමතීමට සැලසුම් කොට ඇති බව වාර්තා වේ.

එදින ජාතිය අමතමින් රට බංකොලොත් බවින් මුදාගත් බවට ප්‍රකාශ කිරීමට ජනාධිපතිවරයා සූදානමින් සිටින බවද දැනගන්නට ඇත.

මේ වන විට විදේශ ණය ප්‍රතිව්‍යුහගත කිරීම සම්බන්ධයෙන් වන සාකච්ඡා අවසන් අදියරට පැමිණ ඇති අතර, ඇමෙරිකාවේ වොෂින්ටන් නුවර පැවැත්වෙන ඊට අදාළ සාකච්ඡා සඳහා මේ දිනවල රාජ්‍ය මුදල් අමාත්‍ය ෂෙහාන් සේමසිංහ මහතා සහභාගි වී සිටින බවක් දැනගන්නට තිබේ.

ඒ අනුව, මෙම සාකච්ඡාවලදී බොහෝ දුරට විදෙස් ණය ප්‍රතිව්‍යුහගත කිරීම සම්බන්ධයෙන් වන අවසන් ගිවිසුම්වලට අස්සන් තැබීම සිදුකෙරෙනු ඇති බව ආණ්ඩුවට සමීප ආරංචි මාර්ග සඳහන් කරයි.

මේ හේතුව මත ලබන 26 වැනිදා ජාතිය අමතා ඒ බව දැනුම් දීමටත්, පසුව 27 සහ 28 යන දෙදින තුළ හදිසි පාර්ලිමේන්තු රැස්වීමක් කැඳවා මේ බව නිල වශයෙන් පාර්ලිමේන්තුවට දැනුම් දීමටත් ජනාධිපතිවරයා තීරණය කොට ඇති බව දැනගන්නට ඇත

Share This Article
2 Comments