පිරිසිදු පානීය ජලය ඉල්ලා උද්ඝෝෂණය කළ ගම්පහ රතුපස්වල ප්‍රදේශවාසීන්ට වෙඩි තබා තිදෙනෙකු ඝාතනය කර තවත් පුද්ගලයින් 45 දෙනෙකුට තුවාල කිරීම සම්බන්ධයෙන් යුද හමුදා බ්‍රිගේඩියර්වරයෙකුට සහ හමුදා සෙබළුන් තිදෙනෙකුට එරෙහිව විශේෂ ත්‍රිපුද්ගල මහාධිකරණ විනිසුරු මඬුල්ල හමුවේ පවරා ඇති නඩුවේ තීන්දුව අද (30) ප්‍රකාශයට පත්කිරීමට නියමිතව තිබෙනවා.
නීතිපතිවරයා විසින් මෙම නඩුව පවරා තිබු අතර මෙම සිදුවීම වාර්තා වූයේ මීට වසර 11කට පෙරයි.
ඒ අනුව දීර්ඝ නඩු විභාගයකින් අවසන එහි තීන්දුව අද(30) මෙලෙස ප්‍රකාශයට පත්කිරීමට නියමිතව තිබෙනවා.
2013 වසරේ අගෝස්තු මස 01 වැනිදා ගම්පහ වැලිවේරියේ රතුපස්වල ප්‍රදේශයේ කම්හලකින් පිටවන අපද්‍රව්‍ය මඟින් පානීය ජලය විෂ වී ඇති බව පවසමින් ප්‍රදේශවාසීන් ඊට එරෙහිව පිරිසිදු ජලය ඉල්ලා උද්ඝෝෂණයක් පැවැත්වුවා.
පැවති එම විරෝධතාව අතරතුර සිදුවූ හමුදා වෙඩි තැබීමකින් තිදෙනෙකු ඝාතනය වුණා.
එම වෙඩි තැබීමෙන් පාසල් සිසුන් දෙදෙනෙකු සහ තවත් පුද්ගලයෙකු මියගිය අතර පුද්ගලයින් 45 දෙනෙකු පමණ පිරිසක් තුවාල ලැබු බව සඳහන්.
