දක්ෂ අධ්‍යාපන පරිපාලකයෙක් ලෙස කීර්තියක් සහිත විදුහල්පතිවරයෙක් වූ කුරුණෑගල මාස්පොත නාලන්දෝදය ජාතික පාසලේ විදුහල්පති ආනන්ද දසනායක සිය නිවසේ ඉහළ මාලයේ කාමරයක ගෙල වැල ලාගෙන සිය දිවි නසාගෙන තිබේ.
අද ( 25 ) උදෑසන ඔහුගේ සිරුර හමවී ඇතැයි පොලිසිය කියයි.
සිය 31 වසරක ගුරු ජීවිතය තුළ පුරා වසර 24ක් විදුහල්පතිවරයෙක් ලෙස සේවය කර ඇති ආනන්ද දසනායක නාලන්දෝදය ජාතික පාසල කුරුණෑගල දිස්ත්‍රික්කයේ ප්‍රමුඛම පාසලක් ලෙස නගා සිටුවීමේ මුඛ්‍ය වගකීම දැරා තිබුණේ විදුහල්පති ආනන්ද දසනායක විසිනි.
මෙම ඛේදජනක ඉරණමට මුහුණ දෙන විට ඔහු 55 වැනි වියේ පසුවිය. ඔහු අද දින සිට කුරුණෑගල තවත් ජනප්‍රිය පාසලක්වන ලක්දාස් මහා විද්‍යාලයේ විදුහල්පතිවරයා ලෙස වැඩ භාරගැනීමට සූදානමින් සිටියේය. එම විදුහල සඳහා විදුහල්පතිවරයෙක් තෝරා ගැනීම සඳහා කළ සම්මුඛ පරීක්ෂණයෙන් වැඩිම ලකුණු ප්‍රමාණයක් ලබා ගැනීමෙනි.
උහුලා ගත නොහැකි ආර්ථික ගැටලු නිසා ඔහු මානසික පීඩනයට පත් වී සිටි බව වාර්තා වේ. කුරුණෑගල පොලිසිය වැඩිදුර පරීක්ෂණ පවත්වයි.