වහාම ක්‍රියාත්මක වන පරි​දි ඉන්ධන මිල වෙනස් වෙයි – නව මිල ගණන් මෙන්න !

අද (31) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල ගණන් සංශෝධනය කර තිබෙනවා.

ඒ අනුව ඔක්ටේන් 95 පෙට්‍රල් ලීටරයක් රු.07කින් අඩුකර ඇති අතර, එහි නව මිල වන්නේ රුපියල් 440ක්. මෙය මීට පෙර පැවතියේ රුපියල් 447ක් ලෙසින්.

එමෙන්ම සුපිරි ඩීසල් ලීටරයක මිල රු.72කින් පහළ දමා තිබෙනවා. ඒ අනුව රුපියල් 458ක්ව පැවැති මෙහි නව මිල වන්නේ රුපියල් 386ක්.

එමෙන්ම භූමිතෙල් ලීටරයක්ද රුපියල් 12කි පහත දමා ඇත. රුපියල් 257ව පැවැති මෙහි නව මිල වන්නේ රුපියල් 245කි.

කෙසේ වෙතත් මෙම මිල සංශෝධනය අනුව ඔක්ටේන් 92 පෙට්‍රල් සහ ඔටෝ ඩීසල් ලීටරයක මිල සංශෝධනයක් සිදු නොවේ.

ඒ අනුව ඔක්ටේන් 92 රුපියල් 371ක් වූ පැවැති මිල යටතේද, රුපියල් 363ක්ව පැවැති ලංකා සුදු ඩීසල් ලීටරය තව දුරටත් එම මිල ගණන් යටතේම ක්‍රියාත්මක වනු ඇත.

මේ අතර සිපෙට්කෝ මිලට සමාන වන අයුරින් LIOC සමාගමද ඔවුන්ගේ මිල ගණන් මේ ආකාරයෙන්ම සංශෝධනය කර තිබෙනවා.