රාගම රෝහලෙන් දුන් එන්නතකින් පසු රෝගියෙක් මිය ගිහින් !

රාගම ශික්ෂණ රෝහලේදී එන්නතක් ලබාදීමෙන් පසු රෝගියෙකු මිය යාමේ සිද්ධිය සම්බන්ධයෙන් සෞඛ්‍ය අමාත්‍යංශය විමර්ශනයක් ආරම්භ කර තිබෙනවා.

රාගම ශික්ෂණ රෝහලේ අධ්‍යක්ෂ වෛද්‍ය සම්පත් රණවීර මහතා සඳහන් කළේ සිද්ධිය සම්බන්ධයෙන් රෝහල් මට්ටමෙන්ද විමර්ශනයක් ක්‍රියාත්මක බවයි.

කො – ඇමොක්සික්ලේව් නම් එන්නත ලබාදීමෙන් පසු එම රෝගියා මියගොස් තිබුණා.

කෙසේවෙතත්, මෙම මරණය සිදු වී ඇත්තේ එන්නත ලබා ගැනීමෙන් අනතුරුව ඇතිවූ ආසාත්මිකතාවයක් පිළිබඳවද යන්න මෙතෙක් තහවුරු වී නැහැ.

මියගොස් ඇත්තේ 50 හැවිරිදි පුද්ගලයෙකු වන අතර ඔහු කන ආශ්‍රිතව හටගත් රෝගී තත්ත්වයක් හේතුවෙන් පසුගිය 22 වනදා රාගම ශික්ෂණ රෝහලට ඇතුළත් කර ඇති බව වැඩිහුරටත් වාර්තා වෙනවා.