අපේ ජනබල පක්ෂයේ නායක සමන් පෙරේරා ඇතුළු පස්දෙනකු පසුගිය සඳුදා (ජනවාරි 22) දක්ෂිණ අධිවේගී මාර්ගයේ බෙලිඅත්ත පිවිසුම ආසන්නයේදී ඝාතනය කිරීමේ සිද්ධියට ආධාර අනුබල දුන් කාන්තාවන් දෙදෙනකු අත්අඩංගුවට ගෙන තිබේ.
ඊයේ (29) රත්ගම ප්‍රදේශයේදී මෙම කාන්තාවන් දෙදෙනා අත්අඩංගුවට ගත් බව පොලිසිය පවසයි. .
හක්මන ප්‍රදේශයේ සිට පැමිණි පොලිස් කණ්ඩායමක් විසින් මෙම අත්අඩංගුවට ගැනීම සිදුකර ඇති අතර, සැකකාර කාන්තාවන් දෙදෙනා වයස අවුරුදු 23 සහ 33 වයස්වල පසුවන ගාල්ල බූස්ස ප්‍රදේශයේ පදිංචිකරුවන් බව හඳුනාගෙන ඇත.
වෙඩි තැබීමට යොදාගත් ගිනි අවි දෙක එක් කාන්තාවක් කරාපිටියේ සිට බූස්ස ප්‍රදේශයට ඇයට අයත් යතුරුපැදියකින් ප්‍රවාහනය කර ඇති බව විමර්ශනවලදී අනාවරණය වී තිබේ.
මේ පිළිබදව හක්මන පොලිසිය වැඩිදුර පරීක්ෂණ පවත්වයි.