ආබාධයකට ලක්ව සිටි ශ්‍රී ලංකා දග පන්දු යවන ක්‍රීඩක මහීෂ් තීක්ෂණගේ සෞඛ්‍ය තත්ත්වය සම්බන්ධයෙන් කරුණු පැහැදිලි කරමින් ශ්‍රී ලංකා ක්‍රිකට් ආයතනය නිවේදනයක් නිකුත් කර තිබෙනවා.
පසුගිය 21 වැනිදා නෙදර්ලන්තය සමග පැවැති ලෝක කුසලාන තරගයේ දී ඔහුගේ දකුණු පාදයේ වේදනාවක් ඇතිව තිබූ අතර, ඒ හේතුවෙන් ඔහුව වෛද්‍ය පරීක්ෂණ (MRI scan) සදහා යොමු කර තිබූ බවයි ක්‍රිකට් ආයතනය සදහන් කළේ.
කෙසේ වෙතත්, එම වෛද්‍ය වාර්තාවලට අනුව අනාවරණය වී ඇත්තේ ඔහුට නව ආබාධයක් හෝ ආසියානු කුසලාන තරගාවලියේ දී සිදු වූ ආබාධය යළි උග්‍ර වීමක් සිදුව නොමැති බවයි.
මේ වන විට ඔහු සම්පූර්ණයෙන්ම සුවය ලබා ඇති බව ද ක්‍රිකට් ආයතනය නිවේදනය කළා. ඒ අනුව ඔහු අද දිනයේ දී කණ්ඩායමේ සෙසු ක්‍රීඩකයින් සමග පුහුණුවීම් සදහා ද එක්ව තිබෙනවා.
තීක්ෂණට එළඹෙන 26 වැනිදා එංගලන්තයට එරෙහිව පැවැත්වෙන තරගය සදහා ක්‍රීඩා කිරීමේ හැකියාව පවතින බවයි ක්‍රිකට් ආයතනය නිකුත් කළ නිවේදනයේ වැඩිදුරටත් සදහන්ව ඇත්තේ.
මේ අතර ශ්‍රී ලංකා වේග පන්දු යවන ක්‍රීඩක මතීෂ පතිරණට මෙවර ලෝක කුසලාන එක්දින ක්‍රිකට් තරගාවලියේ ඉතිරි තරග සියල්ල ක්‍රීඩා කිරීමේ අවස්ථාව අහිමි වී තිබෙනවා.
ඒ, ඔහුගේ උරහිසක සිදුව ඇති ආබාධය තවමත් සම්පූර්ණයෙන් සුව වී නොමැති බැවින්. ඔහුව දින 10 ක කාලයක් පුනරුත්තාපන ක්‍රියාවලියකට යටත් කර තිබූ නමුත්, ඔහු තවමත් සුදුසු යෝග්‍යතාවයක පසු නොවන බැවින් තරගාවලියෙන් ඉවත් කිරීමටයි පියවර ගෙන ඇත්තේ.
ඒ අනුව මතීෂ පතිරණ වෙනුවට තුන් ඉරියව් ක්‍රීඩක ඇන්ජෙලෝ මැතිව්ස් ශ්‍රී ලංකා සංචිතයට ආදේශ කිරීමට ශ්‍රී ලංකා ක්‍රිකට් තේරීම් කමිටුව පියවර ගෙන තිබෙනවා. එම ආදේශ කිරීමට මේ වන විට තරගාවලි තාක්ෂණික කමිටුවේ අනුමැතිය හිමිව ඇති බවයි ජගත් ක්‍රිකට් කවුන්සලය (අයි.සී.සී) අද නිවේදනය කළා.
36 හැවිරිදි මැතිව්ස් අවසන් වරට ශ්‍රී ලංකාව වෙනුවෙන් එක්දින තරගයක් ක්‍රීඩා කර ඇත්තේ පසුගිය ජූනි දෙවැනිදා ඇෆ්ඝනිස්තානයට එරෙහිව හම්බන්තොට පැවැති තරගයේ දී යි.
මැතිව්ස් මෙවර ක්‍රීඩා කිරීමට නියමිතව ඇත්තේ සිය සිව්වැනි එක්දින ක්‍රිකට් ලෝක කුසලානයයි (2011, 2015, 2019, 2023) වේග පන්දු යවන ක්‍රීඩක දුෂ්මන්ත චමීර ද මේ වන විට අතිරේක ක්‍රීඩකයෙකු ලෙස ශ්‍රී ලංකා සංචිතය සමග ඉන්දියාවේ රැදී සිටින නමුත්, ඔහු තවමත් ප්‍රධාන සංචිතයට ඇතුළත්ව නැහැ.
ආබාධයකින් පසුව සම්පූර්ණයෙන්ම යථා තත්ත්වයට පත්ව නොසිටි බැවින් ඔහුව ලෝක කුසලාන තරගාවලිය සදහා වන ක්‍රීඩකයින් 15 දෙනෙකුගෙන් යුත් ශ්‍රී ලංකා සංචිතයට නම් කෙරුණේ නැහැ.
කෙසේ වෙතත්, ආබාධය සුව වීම හේතුවෙන් ඔහු පසුගිය 20 වැනිදා ඇන්ජෙලෝ මැතිව්ස් සමගින් ඉන්දියාවේ දී ශ්‍රී ලංකා සංචිතය සමග අතිරේක ක්‍රීඩකයින් ලෙස එක් වුණා.
ලෝක කුසලාන සංචිතයේ ක්‍රීඩකයෙකුට ආබාධයක් සිදු වුවහොත් කඩිනමින් ක්‍රීඩක ආදේශ කිරීමක් සිදු කිරීමේ අරමුණ ඇතිවයි ක්‍රිකට් තේරීම් කමිටුව එම තීරණය ගෙන තිබුණේ.
මීට පෙර නායක දසුන් ශානක ද ආබාධයකට ලක් වූ අතර, ඔහු වෙනුවට චාමික කරුණාරත්න සංචිතයට ආදේශ කිරීමට ද පියවර ගැණුනා.
යාපනයේ පෙරියවිලාන් ප්‍රදේශයේ 13 හැවිරිදි පාසල් සිසුවෙකු සිය නිවසේදී ගෙල වැළලාගෙන මියගොස් තිබෙනවා. මේ දරුවා…
ඊයේ (16) පැවති පහ ශ්‍රේණිය ශිෂ්‍යත්ව විභාගයේ ප්‍රශ්න පත්‍රය වට්ස්ඇප් මාධ්‍ය ඔස්සේ හුවමාරු වී ඇති…
2024 ජනාධිපතිවරණය විශේෂ රාජකාරී සහ ආරක්ෂාව වෙනුවෙන් පොලිස් නිලධාරීන් 60,000ක් යෙදවීමට තීරණය කර ඇති බව…
හැටන්, නුවරඑළිය මාර්ගයේ නානුඔය වින්ඩිකොනර් ප්‍රදේශයේදී සිදු වූ රිය අනතුරකින් පුද්ගලයෙකු තුවාල ලබා මේ වනවිට…
කඩවත නගරයේ හෝටලයක ෆේස්බුක් සාදයකට එක්ව මත්ද්‍රව්‍ය භාවිත කරමින් සිටි තරුණයින් 14දෙනෙකු අත්අඩංගුවට ගෙන තිබෙනවා.…
වලංගු රියැදුරු බලපත්‍රයක් නොමැතිව කාර් රථයක් පැදවීමේ සිද්ධියක් සම්බන්ධයෙන් මීරිගම ප්‍රදේශයේ විහාරස්ථානයක වැඩවාසය කරනු ලබන…