ඊයේ (18) රාත්රියේ ගාසාහි අල්-අහ්ලි අරාබි රෝහලට එල්ල වූ ප්රහාරය, පලස්තීන සටන්කාමීන් විසින් සිදුකර ඇතැයි පෙනීයන බව එක්සත් ජනපද ජනාධිපති ජෝ බයිඩන් පැවසුවා.
ඒ අදාළ සිද්ධිය සම්බන්ධයෙන් ඊශ්රායලය දක්වා ඇති ප්රතිචාරයට සහාය පළ කරමින්.
එම ප්රහාරයෙන් පැය විසි හතරක් ගත වීමටත් මත්තෙන් ඊශ්රායලයේ ටෙල් අවීව් නුවර වෙත පැමිණි එක්සත් ජනපද ජනාධිපතිවරයා පැවසුවේ, මෙම පිපිරීමෙන් තමා දැඩි ශෝකයට හා කෝපයට පත් ව ඇති බවයි.
අදාළ ප්රහාරයෙන් සිය ගණනක් කුඩා දරුවන්, කාන්තාවන් ඇතුළු සිවිල් වැසියන් මරු මුවට පත් වූ අතර, පලස්තීන සටන්කාමීන් එල්ල කළ රොකට් ප්රහාරයක් වැරදීමෙන් එම පිපිරීම සිදුව ඇතැයි ඊශ්රායල් හමුදාව ප්රකාශ කිරීමට කටයුතු කළා.
නමුත් පලස්තීන බලධාරීන් පවසන්නේ අදාළ ප්රහාරය ඊශ්රායල් ගුවන් ප්රහාරයක් බවයි.
මෙම ප්රහාරයෙන් අනතුරුව ගාසා තීරයේ සිවිල් වැසියන් ඉලක්ක කරගෙන එල්ල වෙන ප්රහාර සම්බන්ධයෙන් ලෝකයේ ම අවධානය යොමුව ඇති මොහොතක එක්සත් ජනපද ජනාධිපතිවරයාගේ ඊශ්රායල සංචාරය දෙස ලෝක මාධ්ය ඇස් යොමුව තිබුණා.
ටෙල් අවිව් වෙත ගොඩ බසින ලද එක්සත් ජනපද ජනාධිපතිවරයාව ඊශ්රායල් අගමැති බෙන්ජමින් නෙතන්යාහු විසින් උණුසුම් ලෙස පිළිගනු ලැබූ අනතුරුව නායකයින් දෙදෙනා අතර ඒකාබද්ධ ප්රවෘත්ති සාකච්ඡාවකට පෙනී සිටියා.
එහි දී එක්සත් ජනපද ජනාධිපතිවරයා, ඊශ්රායල් අග්රාමාත්ය නෙතන්යාහු වෙත ප්රකාශ කළේ,
ඊයේ ගාසා හි රෝහලක සිදුවූ පිපිරීමෙන් මම දැඩි ශෝකයට හා කෝපයට පත්වුණා.මා දැක්ක දේවල් පදනම් කරගෙන බලන කොට, මේක ඔබ නොව අනෙක් කණ්ඩායම විසින් කරන ලද බව පෙනී යනවා. නමුත් බොහෝ දෙනෙකුට ඒ ගැන විශ්වාසයක් නැහැ, ඒ නිසා අපට බොහෝ දේ ජය ගන්න තියෙනවා.
යනුවෙන්.
ගලෙන්බිදුණුවැව - අක්කර විස්ස ප්රදේශයේ නිවසක අල්මාරියක මුදල් දමන ප්ලාස්ටික් කැටයක සඟවා තිබු පතොරම් තොගයක්…
පාදුක්ක, මාහිංගල ප්රදේශයේ නිවසක නවතා තිබූ කැබ් රථයක් සහ ත්රිරෝද රථයක් හදිසියේ ම ගිනි ගෙන…
ඉන්දීය රුපියල් කෝටි 92ක බදු මුදලක් ගෙවමින් 2024 මූල්ය වර්ෂය සඳහා වැඩිම ආදායම් බදු ගෙවූ…
ඉතිහාසයේ පළමු වරට ශ්රී ලංකා රේගු දෙපාර්තමේන්තුව 2024 වසරේ මේ දක්වා රුපියල් ට්රිලියනයක රේගු ආදායමක්…
යුරෝපා නේෂන්ස් කුසලාන පාපන්දු තරගාවලියේ ක්රොඒෂියාව සමඟ පැවැති තරගයේදී රොනාල්ඩෝ රැස්කළ සුපිරි ගෝලයත් සමග පාපන්දු…
මෙවර ජනාධිපතිවරණයේදී ජනාධිපති රනිල් වික්රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට…