අවුරුදු දාහතරක් වයසැති බාල වයස්කාර තම දියණියව ලිංගික අපයෝජනය සදහා පුද්ගලයින්ට මුදලට විකුණු එම දැරියගේ අම්මා අත්අඩංගුවට ගත් බව දිවුලපිටිය පොලිසිය පවසයි.
එම දැරියව ලිංගික අපයෝජනයට ලක් කළ එක් සැකකරුවෙකුවද අත්අඩංගුවට ගත් බව පොලිසිය කියයි.
දැරියගේ පියා මියගොස් ඇති බවත් සිව් දරු මවක් වන සැකකාරිය පුද්ගලයින්ව නිවසට ගෙන්වාගෙන එක් පුද්ගලයෙකුගෙන් රුපියල් 2000 බැගින්මුදල් ලබාගෙන තම දියණියව නිවස තුළම ලිංගික අපයෝජනය සඳහා යොමු කර ඇති බවට පොලිස් පරීක්ෂණ වලදී අනාවරණය වී තිබේ.
නිවසේ කිසිවෙකුත් නොමැති අවස්ථාවන්හිදී පුද්ගලයින්ව නිවසට ගෙන්වා ගන්නා සැකකාරිය පැමිණෙන එම පුද්ගලයාව සහ තම දියණියව නිවස තුළට දමා දොරවල් වසා දමා මුරකාවලේ යෙදෙන බවට පොලිස් පරීක්ෂණ පරීක්ෂණවලදී වැඩිදුරටත් අනාවරණය වී ඇති බව පොලිසිය කීය.
දැරිය 10 වසරේ ඉගෙනුම ලබන බවත් මව සිදු කරනා එම අසම්මත ක්‍රියාවලිය ඉවසා දරාගත නොහැකිව ඉගෙනුම ලබන පාසලේ ගුරුවරියකට දැරිය සිද්ධිය පවසා ඇති බව පොලීසිය පැවසීය .
මව විසින් දැරියව මාස කිහිපයක සිට පුද්ගලයින්ට මුදලට විකුණා ඇති බව දැරිය පොලිසියට කළ ප්‍රකාශයෙන් අනාවරණය වී තිබේ .දැරියව ලිංගික අපයෝජනයට ලක් කළ සියලුම සැකකරුවන් අත්අඩංගුවට ගැනීම සඳහා දිවුලපිටිය පොලිස් ස්ථානාධිපති ඇතුළු නිලධාරීහු වැඩිදුර පරීක්ෂණ සිදු කරති.
වෛද්‍ය පරීක්ෂණය සඳහා දැරියව මීගමුව මහ රෝහලට ඇතුළත් කර ඇති බවත් සැකකාර අම්මාව අධිකරණය හමුවට ඉදිරිපත් කරන බවත් පොලීසිය වැඩිදුරටත් සඳහන් කළේය.