Education

කූඨ ලේඛණ පිලිබඳ චෝදනා ලැබූ කටුගස්තොට ශාන්ත අන්තෝනි බාලිකාවේ හිටපු විදුහල්පතිනිය ආ ගිය අතක් නෑ – අත්අඩංගුවට ගන්න පොලිසිය සොයයි !

කටුගස්තොට ශාන්ත අන්තෝනි බාලිකාවේ හිටපු විදුහල්පතිනිය අත්අඩංගුවට ගැනීමට මහනුවර පොලීසියේ විශේෂ අපරාධ විමර්ශන ඒකකය පරීක්ෂණ පවත්වයි.

අතර මැදි පංති වලට කූඨ ලේඛණ උපයෝගි කර ගනිමින් සිසුන් ඇතුළත් කළ බව කියන සිද්ධියේ සැකකාරියක වන හිටපු විදුහල්පතිනි පී.කේ.ආර් රණසිංහ මෙයට පෙර අපේක්ෂිත ඇපයක් ඉල්ලා සිටි අතර මහනුවර අතිරේක මහේස්ත්‍රාත් මොහොමඩ් රාෆි විසින් පසුගිය 05 දින එම ඉල්ලීම ප්‍රතික්ෂේප කරනු ලැබීය.

ගම්පොළ පිහිටි විදුහල්පතිනියගේ නිවසට හා ස්ථාන මාරු ලැබ ඇය පැමිණි මධ්‍යම පළාත් අධ්‍යාපන දෙපාර්තමේන්තුවට අවස්ථා කිහියක දී පොලීසිය ගියත් ඇය එම ස්ථාන වල ඇය නොසිටි බව පොලීසිය පවසයි.

ශාන්ත අන්තෝනි බාලිකාවේ විදුහල්පති ධූරයෙන් ඉවත් කළ පසු ඇය පළාත් අධ්‍යාපන කාර්යාලයේ සේවය සඳහා වාර්තා කර ඇත්තේ එක් දිනක් පමණක් වන අතර ඇය අසනීප නිවාඩු ඉල්ලමින් වෛද්‍ය වාර්තාවක් ඉදිරිපත් කර තිබෙන බව මේ සම්බන්ධව කළ විමසීමක දී මධ්‍යම පළාත් අධ්‍යාපන අමාත්‍යාංශයේ ඉහළ නිලධාරියෙක් පැවසීය.

කූඨ ලේඛණ උපයෝගි කර ගනිමින් ශාන්ත අන්තෝනි බාලිකාවට සිසුන් ඇතුළත් කිරීම සම්බන්ධයෙන් එල්ල වූ චෝදනා පිළිබඳ පළාත් අධ්‍යාපන අමාත්‍යාංශය මගින් ද විශේෂ පරීක්ෂණයක් කරනු ලැබීය.

එහි වාර්තාව අනුව විදුහල්පතිනියට චෝදනා පත්‍රයක් නිකුත් කර තිබෙන අතර සේවයට වාර්තා නොකිරීම හේතුවෙන් මෙතෙක් එය ඇයට බාර දීමට නොහැකි වී ඇත.

Ceylon News Factory

Recent Posts

කාලගුණයෙන් අනතුරු ඇඟවීමක් !

මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…

52 mins ago

විදේශීය සිසුන් ගැන කැනේඩියානු රජයෙන් දැනුම් දීමක් !

අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…

8 hours ago

ශිෂ්‍යත්ව ප්‍රශ්නපත්‍ර ගැටලුව ගැන අධ්‍යාපන අමාත්‍යාංශයෙන් විශේෂ නිවේදනයක් !

පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…

9 hours ago

ශ්‍රී ලංකාව පළමු ඉනිමට ලකුණු 305 යි !

සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…

9 hours ago

ආහාර විෂවීමකින් 500ක් රෝහලේ !

පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…

10 hours ago

කෙහෙළියගේ පුතාට අයත් නිවාස දෙකක් පරිහරණය තහනම් කරමින් අධිකරණ නියෝගයක් !

හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…

10 hours ago