බටහිර උගන්ඩාවේ පාසලකට ඒ.ඩී.එෆ්. Allied Democratic Forces (ADF) නම් සංවිධානයට සම්බන්ධ කැරලිකරුවන් විසින් එල්ල කළ ප්‍රහාරයකින් 25 දෙනෙකු මියගොස් තවත් අටදෙනෙකු තුවාල ලබා තිබේ.
ප්‍රහාරයෙන් පසු විරුංගා ජාතික වනෝද්‍යානය දෙසට පළා ගිය කැරලිකරුවන් උගන්ඩාවේ හමුදා සොල්දාදුවන් විසින් ලුහුබඳිමින් සිටින බව විදෙස් මාධ්‍ය වාර්තා කර තිබේ.
ඊයේ (16) රාත්‍රියේ එල්ල කළ මෙම ප්‍රහාරයේදී පාසලේ නේවාසිකාගාරයක් ගිනි තබා ඇති අතර ආහාර ගබඩාවක් කොල්ල කා ඇති බව සඳහන්.
කොන්ගෝව සමඟ උගන්ඩා දේශසීමාවේ සිට කිලෝමීටර් දෙකකට වඩා අඩු දුරකින් පිහිටි පාසලට එල්ල වූ ප්‍රහාරය වසර ගණනාවකට පසුව උගන්ඩාවේ පාසලකට එල්ල වූ පළමු ප්‍රහාරයයි.
1998 වර්ෂයේදී ද අධ්‍යාපන ආයතනයක් වෙත ත්‍රස්ත කල්ලියක් ප්‍රහාරයක් එල්ල කර තිබූ අතර, එහිදී සිසුන් 100 කට අධික පිරිසක් පැහැරගෙන ගොස් තිබූ අතර, 80 දෙනෙකුට අධික පිරිසක් මියගොස් තිබුණි.
මේ පිළිබඳව උගන්ඩා ආරක්ෂක අංශ නිකුත් කල Twitter පණිවිඩය පහතින්,
. @FredEnanga1 "Last night, we registered a terrorist attack by the ADF rebels, on Lhubirira secondary school, in Mpondwe, that is located about 2 kms, from the DRC border. A dormitory was burnt and a food store looted. So far 25 bodies have been recovered from the school and… pic.twitter.com/3WVfY2q9lz
— Uganda Police Force (@PoliceUg) June 17, 2023