IPL මූලික වටය අවසන් – Playoffs කාලසටහන හා ප්‍රසාද ලකුණු සටහන මෙන්න !

2 Min Read

2023 (IPL) ඉන්දීය ප්‍රිමියර් ලීග් ක්‍රිකට් තරගාවලියේ මූලික වටයේ සියලු තරග මේ වන විට අවසන්ව තිබෙනවා.

ඒ, බැංගලූරුහී දී පැවැති රෝයල් චැලෙන්ජර්ස් බැංගලෝර් හා ගුජරාට් ටයිටන්ස් කණ්ඩායම් අතර තරගයත් සමගින්. එම තරගයෙන් කඩුලු 6 ක ජයක් වාර්තා කිරීමට ටයිටන්ස් පිල සමත් වූ අතර, ඒ අනුව බැංගලෝර් කණ්ඩායමට තරගාවලියෙන් ඉවත් වීමට සිදු වුණා.

බැංගලෝර් පිලේ පරාජයත් සමග මුම්බායි ඉන්දියන්ස් කණ්ඩායමට අවසන් වටයට සුදුසුකම් ලබා ගැනීමේ අවස්ථාව ද උදා වුණා.

තරගාවලියේ අවසන් වටයට (Playoffs) සුදුසුකම් ලැබූ සෙසු කණ්ඩායම් වන්නේ ගුජරාට් ටයිටන්ස්, චෙන්නායි සුපර් කිංග්ස් හා ලක්නව් සුපර් ජයන්ට්ස් යන කණ්ඩායම්.ප්‍රසාද ලකුණු සටහනේ පෙරමුණ හිමි කර ගනිමින් ටයිටන්ස් කණ්ඩායම අවසන් වටයට සුදුසුකම් ලැබූ අතර, චෙන්නායි කණ්ඩායම දෙවැනි ස්ථානය හිමි කර ගත්තා.

ඒ අනුව එළඹෙන 23 වැනිදා පැවැත්වෙන අවසන් වටයේ පළමු තරගයේ දී (Qualifier 1) එම කණ්ඩායම් දෙක චෙන්නායි හී දී තරග වැදීමට නියමිතයි.ඉන් ජය ගන්නා කණ්ඩායම එළඹෙන 28 වැනිදා අහ්මදාබාද් හී දී පැවැත්වීමට නියමිත තරගාවලියේ අවසන් මහා තරගය සදහා සුදුසුකම් ලබා ගන්නවා.

ප්‍රසාද ලකුණු සටහනේ තෙවැනි හා සිව්වැනි ස්ථාන දිනා ගත්තේ පිළිවෙලින් ලක්නව් හා මුම්බායි යන කණ්ඩායම්.

ඒ අනුව එම කණ්ඩායම් දෙක එළඹෙන 24 වැනිදා චෙන්නායි හී දී පැවැත්වීමට නියමිත අවසන් වටයේ දෙවැනි තරගය හෙවත් Eliminator තරගය සදහා ක්‍රීඩා කිරීමට නියමිතයි. එම තරගයෙන් පරාජයට පත් වන කණ්ඩායමට තරගාවලියෙන් ඉවත් වීමට සිදු වනවා.

Eliminator තරගයෙන් ජය ගන්නා කණ්ඩායම Qualifier 1 තරගයෙන් පරාජයට පත් වූ කණ්ඩායමට එරෙහිව අවසන් වටයේ තෙවැනි තරගය හෙවත් Qualifier 2 තරගය සදහා ක්‍රීඩා කිරීමට නියමිතව තිබෙනවා.

අනතුරුව Qualifier 2 තරගය ජය ගන්නා කණ්ඩායම අවසන් මහා තරගය සදහා සුදුසුකම් ලබා ගන්නවා.

අවසන් ප්‍රසාද ලකුණු සටහන –

Share This Article
Leave a comment