සංචාරක අයර්ලන්ත කණ්ඩායම සමඟ පැවැත්වෙන තරග දෙකකින් යුත් ටෙස්ට් තරගාවලිය සඳහා ශ්‍රී ලංකා ටෙස්ට් සංචිතය නම් කර තිබෙනවා. සුපුරුදු පරිදි එම කණ්ඩායමේ නායකත්වය හිමිව තිබෙන්නේ දිමුත් කරුණාරත්න හටයි. නිමා වූ නවසීලන්ත සංචාරය නියෝජනය කළ ක්‍රිඩකයින්ගෙන් ලහිරු කුමාර සහ කසුන් රාජිතට අයර්ලන්තයට එරෙහි සංචිතයෙන් ඉවත් කර තිබෙනවා.
එමෙන්ම ලසිත් ඇඹුල්දෙනිය නැවතත් ටෙස්ට් සංචිතයට කැඳවා තිබෙන අතර දුෂාන් හේමන්ත ද පළමු වරට ටෙස්ට් සංචිතයට කැඳවා ඇති බව වාර්තා වෙනවා. පැතුම් නිස්සංක මෙම සංචිතය සඳහා ද ඇතුළත් නොවන අතර සදීර සමරවික්‍රම ටෙස්ට් සංචිතය සඳහා නම් කර තිබෙනවා.
තරගාවලියට නම් කළ ශ්‍රී ලංකා සංචිතය,
- දිමුත් කරුණාරත්න (නායක)
- ඇන්ජලෝ මැතිවුස්
- ධනංජය ද සිල්වා
- කුසල් මෙන්ඩිස්
- දිනේෂ් චන්දිමාල්
- කමිඳු මෙන්ඩිස්
- නිශාන් මධුශ්ක
- සදීර සමරවික්‍රම
- අසිත ප්‍රනාන්දු
- විශ්ව ප්‍රනාන්දු
- මිලාන් රත්නායක
- ප්‍රභාත් ජයසූරිය
- රමේෂ් මෙන්ඩිස්
- ලසිත් ඇඹුල්දෙණිය
- දුෂාන් හේමන්ත
කෙසේ නමුත් මෙම සංචිතය ශ්‍රී ලංකා ක්‍රිකට් ආයතනය විසින් තවමත් නිල වශයෙන් ප්‍රකාශයට පත් කර නැහැ.
අයර්ලන්ත කණ්ඩායමේ ශ්‍රී ලංකා සංචාරයේ පළමු ටෙස්ට් තරගය අප්‍රේල් 16 වනදා ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වීමට නියමිතයි.