රජයේ මුද්‍රණාලයාධිපතිනියගෙන් නැවතත් අයහපත් ප්‍රතිචාරයක් !

1 Min Read

ඉදිරි පළාත් පාලන මැතිවරණයට අදාළව ඡන්ද පත්‍රිකා මුද්‍රණය කිරීම ආරම්භ කළ නොහැකි බව රජයේ මුද්‍රණාලයාධිපතිනි ගංගානි කල්පනා ලියනගේ මහත්මිය නැවතත් මැතිවරණ කොමිසමට දැනුම් දී තිබෙනවා.

ඒ අනුව භාණ්ඩාගාරයෙන් මුදල් ලැබෙන බවට කිසිදු සලකුණක් නොමැති බැවින්. ‘ඡන්ද පත්‍රිකා මුද්‍රණය සඳහා මුදල් ලබා දෙන්නේද යන්න පිළිබඳ කළ විමසීමට භාණ්ඩාගාරයෙන් ප‍්‍රතිචාරයක් ලැබී නොමැති’ බවයි ඇය සිය ලිපියේ සඳහන් කර ඇත්තේ.

මුදල් ලැබුණහොත් ඡන්ද පත්‍රිකා දින හතරකින් පහකින් මුද්‍රණය කළ හැකි බවත් මැතිවරණයට අදාළ අනෙකුත් මුද්‍රණ දින 30කින් පමණ මුද්‍රණය කළ හැකි බවත් ලියනගේ මහත්මිය පවසනවා.

හෙට දිනය වනවිට එම මුදල් ලැබුණහොත් හෙට සිටම ඡන්ද පත්‍රිකා මුද්‍රණය කිරීමට පියවර ගන්නා බවද ඇය වැඩිදුරටත් සඳහන් කළා.

Share This Article
1 Comment