වී වගාව සඳහා අත්‍යාවශ්‍ය රසායනික පොහොර විශේෂයක් වන මඬ පොහොර හෙවත් Triple Super Phosphate (TSP) පොහොර එළැඹෙන යල කන්නයේ දී දිවයිනේ සියලුම ගොවීන්ට අවශ්‍ය සම්පූර්ණ ප්‍රමාණයම නොමිලයේ ලබා දීමට තීරණය කළ බව කෘෂිකර්ම අමාත්‍ය මහින්ද අමරවීර මහතා පවසනවා.
මහ කන්නයේ දී මඬ පොහොර ලබා දීමට තීරණය කර තිබුනත් ඒවා මිල දී ගැනීමට හැකියාවක් ලැබුණේ නැහැ.
එයට හේතුව නම් රුසියාව හා යුක්රේනය අතර ගැටුම නිසා යුක්රේනය විසින් එම පොහොර අපනයනය අත්හිටුවා තිබීමයි.
කෙසේ වුවද මේ වනවිට මඬ පොහොර මෙට්‍රික් ටොන් 36,000ක් සහිත නැව ලබන මස පළමු සති දෙක තුළ මෙරටට ළඟාවීමට නියමිත අතර යල කන්නයේ වී වගාවට අවශ්‍ය සම්පූර්ණ මඬ පොහොර ප්‍රමාණයම නොමිලයේ ගොවීන්ට ලබා දෙන බවයි අමාත්‍යවරයා අවධාරණය කළේ.
ලංකා පොහොර සමාගම හා කොමර්ෂල් පොහොර සමාගම් විසින් පොහොර සැපයීම සම්බන්ධව පැවැති සාකච්ඡාවකට සහභාගි වෙමින් අමාත්‍යවරයා මේ බව ප්‍රකාශ කර තිබෙනවා.
මෙවර මහ කන්නයේ දී යුරියා පොහොර මෙට්‍රික් ටොන් 125,000ක් ආනයනය කළ අතර ඉන් සියයට 75ක්ම අලෙවි වී ඇති අතර මේ වනවිට ගොවිජන මධ්‍යස්ථාන සතුව මෙට්‍රික් ටොන් 10,000ක් හා සමාගම් සතු ගබඩාවල යුරියා මෙට්‍රික් ටොන් 20,000ක් වශයෙන් තවත් යුරියා මෙට්‍රික් ටොන් 30,000ක් පමණ ඉතිරිව පවතිනවා.
එමෙන්ම බන්ඩි පොහොර හෙවත් MOP පොහොර දැනට අලෙවි වී තිබෙන්නේ සියයට 05ක් තරම් ප්‍රමාණයක්.
එම නිසා 2023 යල කන්නයේ දී වී වගාව සඳහා අවශ්‍ය සියලු පොහොර මෙවර සැපයීමට කෘෂිකර්ම අමාත්‍යාංශය සූදානම් බවයි අමාත්‍යවරයා වැඩිදුරටත් සඳහන් කළේ.
මාතර සිට හම්බන්තොට හරහා පොතුවිල් දක්වා සහ කන්කසන්තුරයේ සිට මන්නාරම හරහා පුත්තලම දක්වා මුහුදු ප්‍රදේශවල…
අධ්‍යාපන ආයතන සඳහා විදෙස් සිසුන් බඳවා ගැනීම තවදුරටත් අවම කිරීමට කැනේඩියානු රජය තීරණය කර තිබෙනවා.…
පහ ශ්‍රේණිය ශිෂ්‍යත්ව විභාග සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබෙනවා. එහි සඳහන් වන්නේ,…
සංචාරක නවසීලන්තය කණ්ඩායම සහ ශ්‍රී ලංකා කණ්ඩායම අතර ගාල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන පළමු…
පොළොන්නරුව බකමූණ ප්‍රදේශයේ ප්‍රධාන පෞද්ගලික ඇඟලුම් කර්මාන්තයක ආහාර විෂ වීමකින් අසාධ්‍ය වූ එහි සේවක සේවිකාවන්…
හිටපු සෞඛ්‍ය අමාත්‍යය කෙහෙළිය රඹුක්වැල්ලගේ පුත් රමිත් රඹුක්වැල්ලට අයත් සුඛෝපභෝගී නිවාස දෙකක් පරිහරණය කිරීම තහනම්…