ශ්‍රී ලංකා ක්‍රිකට් සභාපති ෂම්මි සිල්වාට එරෙහිව අසත්‍ය චෝදනා එල්ල කළ පුද්ගලයින් තිදෙනෙකුට එරෙහිව නීතිමය පියවර ගැනීමට ශ්‍රී ලංකා ක්‍රිකට් ආයතනය තීරණය කර තිබෙනවා.
නොවැම්බර් 25 වැනි දින ලංකා ඊනිව්ස් ටැබ්ලොයිඩ්/ගොසිප් වෙබ් අඩවියක “විදෙස් සංචාරවලට කාන්තාවන් අරන් ගිහින් ෂම්මි සිල්වා ලබා ගත්තේ කාගේ සල්ලිවලින්ද?” යන මැයෙන් පළමු වරට ලිපියක් පළ වූ අතර තවත් ප්‍රවෘත්තියක් හිරු ප්‍රවෘත්ති අංශයේ පළ වූ බවයි ශ්‍රී ලංකා ක්‍රිකට් ආයතනය පැවසුවේ.
ඒ අනුව ශ්‍රී ලංකා ක්‍රිකට් ආයතනය එම සාවද්‍ය සහ අවමන් සහගත ප්‍රකාශය මගින් ශ්‍රී ලංකා ක්‍රිකට් ආයතනයට සහ එහි නිලධාරීන්ට සිදුවූ කීර්තිනාම පාඩුව වෙනුවෙන් එක් අයෙකුගෙන් රුපියල් මිලියන පන්සියයක වන්දියක් ඉල්ලා ඉල්ලීම් ලිපි යවා ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් කියා සිටියි.